Б.Момышұлы көшесінің аяқ су және жол мәселелері талқыланды

Бүгін Тереңөзек кентіндегі Бауыржан Момышұлы көшесінің аяқ су және жол мәселелері талқыланды.

Тұрғындармен кездесуге және көшедегі өзекті мәселелермен танысып, талқылауға арналған басқосуға аудан әкімінің орынбасары Ғ.Еркебай мен Тереңөзек кентінің әкімі Н.Бисембаев қатысты.

Кездесу барысында тұрғындардың көтеріп жүрген мәселелері кеңінен талқыланды. Бүгінде Тереңөзек кентінің бұл аумағына бұған дейін газ бен ауыз су, электр желілері тартылған. Ендігі кезекте көшенің аяқ су мен жол мәселелері бойынша жоба-сметалық құжаттары әзірленіп, аудандық бюджеттік комиссиясына ұсынылатын болады. Тұрғындарға көтерген мәселелері аудан әкімдігінің тұрақты назарында екендігі жеткізілді.