Қожабек бағы қайта жанданды

1994 жылы сол кезеңдегі шаруашылық директоры Қожабек Дәдікбаевтың бастамасымен қолға алынған алма бағы бүгін қайта түледі. 13 жылдан бері қараусыз қалған бақты ауыл ардагерлері мен сала мамандары аралап, жоғары баға берді.

Алғашында 2000 түп алма ағашының 3 сорты отырғызылған. Бүгінде бақ ауласы жаңартылып, 900 түп алма ағашының жазғы және күзгі түрлерін өсіріп баптауда. Мұнымен қоса бақша дақылдары мен көкіністердің де көшеттері отырғызылды.

Ардагерлер бұл бақтың халыққа қызмет жасауына еңбек етіп жатқан шаруашылық басшылығына өз ризашылықтарын білдірді.