Тіршілік тынысы Сырдария аудандық қоғамдық-саяси газет
» » Кезекті сессия өтті

Кезекті сессия өтті

Бүгін аудандық мәслихаттың кезекті 5 сессиясы өтті. Сессияға аудан әкімі Талғат Дүйсебаев, аудандық мәслихат хатшысы Ержан Әжікенов және карантиндік талаптарға сәйкес аудандық мәслихат депутаттары мен ауыл әкімдері онлайн қатысты. Сессияға аудандық мәслихат депутаты Ақтөре Ибрагимұлы төрағалық етті. Сессияның күн тәртібінде 7 мәселе қаралды.

Күн тәртібіндегі мәселелер бойынша баяндамашылар тыңдалып, мәселелер кеңінен талқыланғаннан кейін тиісті шешімдер қабылданды. Өз кезегінде аудандық мәслихат хатшысы Е.Әжікенов аудандағы эпидахуалдың өте күрделі екенін айтып, тұрғындарға сақтық шараларын қатаң сақтау жұмыстарын түсіндіруге бір кісідей жұмылу қажеттігін жеткізді.

Сессия барысында аудан әкімі Т.Дүйсебаев сөз сөйлеп, биыл ауданда құрылыс жұмыстары қарқынды жүргізілетініне назар аударып, жұмыстардың сапалы атқарылуына тұрақты бақылау жүргізу керектігін атап өтті. Осы жұмыстарға халық қалаулылары атсалысатынына сенім білдірді.
28 сәуір 2021 ж. 199 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам