Сырдариялық тәртіп сақшылар ұрыны ұстады

Аудандық полиция бөлімінің қызметкерлері кезекті жұмыс күнінде Аманкелді ауылындағы жеке тұрғын үйге ұрлыққа түскен күдіктіні ұстады. Жедел іздеу шараларының нәтәжесінде, 31 жастағы азаматтан бірнеше автокөліктің қосалқы бөлшегі тәркіленді.

– Полиция бөлімінің қызметкерлері күн сайын аудан бойынша ұрлыққа түскен бірнеше азаматты құрықтауда. Дәл қазіргі уақытта ұрлық қылмысы бойынша деректер көп ашылуда. Біздің мақсатымыз – оқи орнына дер кезінде жетіп, тұрғындар арызы бойынша сапалы жұмыс атқару болып табылады, – дейді аудандық полиция бөлімі бастығының кадр саясаты жөніндегі орынбасары Е.Жанәлиев.

Алдағы уақытта тәртіп сақшылары аталған қылмыс бойынша негізгі жұмыстарды атқаратын болады.

Б.ОРДАБЕКОВ