Саяжайға ұрлыққа түсушілер көбейді

Ауданға қарасты саяжайларда ұрлық қылмысы азаймай тұр. Өткен аптада аудандық полиция қызметкерлері «Домостройтель» саяжайында болған ұрлық қылмысын ашты. 65 жастағы Қызылорда қаласында туған азамат дүние-мүлкі қолды болғаны жөнінде арызданады. Өз кезегінде  сала мамандары іздестіру жұмысын жүргізіп, 49 жастағы Шиелі ауданының азаматы екенін анықтады.

– Аудан көлемінде бірнеше саяжай орналасқан. Қыс мезгілінде көбіне саяжайлар қараусыз қалады. Соның салдарынан иесіз жатқан тұрғын-үйлерге ұрлыққа түсу көбеюде. Дегенмен, біздің қырағы мамандарымыз ізін суытпай күдіктілерді жедел ұстауда, – дейді аудандық полиция бөлімінің бастының орынбасары Е.Жанәлиев.

Балтабай ОРДАБЕКОВ