Ұрлық қылмысы ашылды
Аудандық полиция қызметкерлеріне саяжайда орын алған ұрлыққа қатысты тұрғындар жиі арызданады. Көбіне сонда орналасқан тұрғын үйлерден дүние-мүлік ұрланады. Кезекті рет аудандық полиция бөліміне «Домостроитель» саяжайында ұрлық қылмысы жөнінде Қызылорда қаласының тұрғыны хабарлама береді. – Біздің тәртіп сақшыларымыз мереке күндері қоғам тыныштығын күзетеді. Қауырт жұмысқа қарамастан тұрғындардың арыздары бойынша бірнеше қылмыс деректерін ашуда. Қырағы мамандардың нәтижелі жұмысының арқасында 69 жастағы Қызылорда қаласының тұрғынына едәуір шығын әкелген дүние-мүлкі қайтарылды. Өз кезегінде күдіктілер ұсталды, – аудандық полиция бөлімі бастығының жедел жұмыстар жөніндегі орынбасары Ә.Қанзадаев.
