Аудан орталығында акция аясында көшет отырғызылды

Бүгін аудан орталығында «Мекенім — жасыл елім», «Бұл менің ағашым» акциясы ұйымдастырылды. Акция аясында орталық саябаққа көшеттер отырғызылып, оған аудан әкімінің орынбасары Димаш Байдушев қатысты.

— Ұлыстың ұлы күні — Наурыз мерекесі — табиғаттың түлеп, жаңаратын уақыты. Осы мезгілде бұлақ көздері ашылып, тұрғындар тазарту жұмыстарын жүргізеді. Сондай-ақ, тұрғылықты жерді көркейтіп, гүлдендіру үшін тал егеді. Осы мақсатта бүгін біз игілікті іске атсалысып жатырмыз. Өзіміз еккен көшет арқылы ауданның экожүйесінің жақсаруына үлес қосамыз. Мереке құтты болсын, — деді аудан әкімінің орынбасары.

Жалпыұлттық акциялар аясында тазарту жұмыстары да жүргізілді.