Ұлтты сүю ананы сыйлаудан бас­талады

Жас бүлдіршіндерді тәрбиелеп, жаңашылдыққа бейімдеу – жауапты іс. Сол жауапкершілікті абыроймен атқарып жүрген «Қызғалдақ» бөбек­жай балабақшасының тәрбиешісі Гүлнәз Наватова ересек топ тәрбиеленушілерімен ертеңгілік өткізді.

"Ана – өмір шуағы" атты іс-шараға ересек «Жауқазын» тобының  бүлдіршіндері белсене атсалысты. Балалар «Айналайын, ақ мамам», «Көктем келді», «Сағындым әже, сағындым», «Сегодня мамин праздник», «Нұрлы көктем» әндерін шырқап, «Гүлдер мен көбелектер» биін нақышына келтіріп орын­дады. Сонымен қатар аналарға арналған өлеңдерін жатқа оқып, ұлдар аруларға арнап «Шайхана» биін билесе, Марлен «Ай дидарлы анашым» әнін шырқады. Ертеңгілік барысында тәрбиеші Г.Наватова ана әлем­дегі ардақты жан екенін бүлдіршіндерге ұғындырды. Ертеңгілік соңында балабақша мең­герушісі Ғайни Хайроллақызы қорытынды сөз сөйлеп, әріптестерінің жұмысына сәттілік тіледі.

Баланың болашағына жауапкершілікпен қарап, ұлтын сүюді ананы сыйлаудан бас­тап үйрететін тәрбиешілер жұмысы мақтауға тұрарлық. Ана мен әженің батасын алған бала­ болашақта ел тұтқасын ұстар мықты азамат болады. Бала күннен ананың қадірін ұғынған баланың болашағы да жарқын болатыны анық.

Жұлдызай АНШАЕВА