Мәслихат майталманы зейнетке шықты

Дана халқымызда «Үлкенге – құрмет, кішіге – ізет» деген тағылымы мол сөз бар. аудандық мәслихаттың мәжіліс залында Осынау қанатты қағида негізінде ау­дан­дық мәслихат ап­­паратының бөлім басшысы Сталбек То­ба­ғұловты құр­метті ең­бек демалысына шы­ға­рып салуға ар­налған игі іс-шара ұйым­дастырылды.

Салтанатты бас­­қосуға облыстық мәслихат хат­шысы Н.Байқадамов, аудандық мәслихат хатшысы Е.Әжікенов, облыстық мәсли­хат депутаты Р.Есенов және аудандық мәслихаттың депутаттары мен ардагерлер қатысты. Басқосудың мәні мен маңызын, зейнет демалысына шығу адам өмірінің айтулы белесі екенін атап өткен аудандық мәслихат хатшысы Е.Әжікенов алғашқы сөз кезегін облыстық мәслихат хатшысы Н.Байқадамовқа ұсын­ды. Өз кезегінде Наурызбай Сейіт­қа­ли­ұлы саналы ғұ­мырын Сырдар­ия ауданы­ның әлеуметтік-эко­но­­ми­ка­лық дамуына арнаған мемлекеттік қызмет саласының тәжірибелі маманы Сталбек Зікірия­ұлының есімі аудан хал­қына етене таныс екеніне тоқталды.

– Еңбек жолын «ПМК-1608» меке­месінде жұ­мысшы болып бастаған Сталбек Тобағұлов ау­дандық кеңес атқару комитеті төрағасының орынбасары, аудан әкімі аппаратының жетекші маманы, кент әкімінің орынбасары, аудандық мәслихат­тың аппарат басшысы секілді жауапты қызметтерді абыроймен атқарды. Қара­пайымдылық пен сабыр­лылықтың үлгісін қалыптас­тырған азамат 2006 жылдан бері аудандық мәслихат аппаратының бөлім басшысы ретінде жемісті еңбек етті. Енді бейнетінің зейнетін көріп, зор абыроймен ардагерлер сапына қосылуда. «Ер – еңбегімен бағалы» деген тәмсілді негізге алар болсақ, азамат үшін еткен еңбегі еленіп, абырой биігінен көрінуден асқан бақыт жоқ деп есептейміз. Әріптесімізге зор денсаулық, отбасына бақ-береке тілейміз, – деген облыстық мәслихат хатшысы облыстық мәс­лихаттың 33 депу­та­ты­ның атынан игі тілегін жет­кізіп, «Алғыс хат» табыстады.

Мұнан соң аудандық ардагерлер кеңесінің тө­р­ағасы Х.Әбенұлы сөз сөйлеп, мәслихат аппараты ардагерлерге құрмет көрсетуде үлгі көрсетіп келе жатқанын айтты. С.Тобағұловтың иығына шапан жауып, алдағы уақытта ардагерлер кеңесінің бел­сенді мүшесі боларына сенім білдірді. Сонымен қатар Е.Ертарғынұлы мерей­той иесіне аудан әкімдігі мен аудандық мәслихаттың «Құрмет грамо­тасын» табыстады. Іс-шараға қатысушы Қа­зақстан Журналистер Одағының мүшесі М.Шіл­дебаев пен халықаралық «Қазақ тілі» қоғамы аудандық филиалының төрағасы Ш.Нұрсейітов өз лебіздерін білдірсе, аудандық мәслихат депутат­тарының атынан Б.Есназар арнау жырын оқыды. Іс-шара соңында С.Тоба­ғұлов көрсетілген құрмет пен іл­типат үшін әріптестеріне алғысын айтып, еңбекте жеміс пен сәттілік тіледі.

Мерекелі, берекелі ай­дың шу­ақ­­ты күнінде аудандық мә­с­­­­­­­­­­­­лихат аппара­тында еңбек ете­тін нәзік жанды аруларға арнал­ған құт­­­тықтау салтанаты да ұйым­дастырылды. Г.Божан бастаған аудан­дық мәслихат ап­пара­тының қыз-келіншектеріне сый-сияпат табыс­талды. Осылайша, мәслихат ап­паратының ұжымы көктем мерекесін көтеріңкі кө­ңіл-күймен қарсы алды.

Ақтөре ИБРАГИМҰЛЫ