Көшелері самаладай жарық ауыл

Бүгінде ауылдың әлеуметтік жағ­дайы мен инфрақұрылымдық жүйесі жақ­сарған. Олай дейтініміз, жыл са­йын әлеуметтік нысандар жөнделіп, ауыл көшелері де жақсарып келеді. Мәселен, бос тұрған ескі балабақша ғимараты тұрғындар игілігіне пайдаланылуда. Мұн­да ардагерлер бөлмесі, «Nur Otan» бастауыш партия филиалы бар. Сондай-ақ спорттан күрес үйірмесі жұмыс жасайды. Осында шыныққан ауыл жастары республикалық, облыстық додаларда топ жарып жүр. Оған қоса, ғимараттың бір бөлмесі жас кәсіпкерге беріліп, шаштараз ашуына мүмкіндік жасалған.

Ал инфрақұрылымдық жұмыстарға келер болсақ, өткен жылы елді мекен бойынша Н.Шідербаев көшесіне жөндеу жұмыстары 12 млн. теңгеге жүргізіліп, асфальт төселіп, тиісті жол белгілері қойылған. Сонымен бірге Бейбітшілік көшесінің аяқ жағына қиыршық тас төселген. Осы көшеге 2,2 млн. теңге, Н.Шідербаев көшесіне 1,6 млн. теңге қаржы қаралып, толық жарықтандырылған.

– 2020 жылы ауылда құқық бұзу­шы­лықтың алдын алу мақсатында 2,4 млн. теңгеге бейнебақылау камералары орнатылды. Сонымен қатар Абай көшесі бо­йынан балаларға арналған ойын алаңы салынды. Енді биыл аудандық бюджеттен М.Әуезов көшесін жарықтандыруға қаржы қаралды. Қа­зір­гі таңда мем­лекеттік сатып алу арқылы мердігер анықталуда. Осы не­гіз­де елді мекендегі барлық көше жарықтандырылғанын атап өткен жөн. Оған қоса, Қайқы батыр көшесін орташа жөндеуге қаржы қарастырылуда, – дейді ауыл әкімі Нұрлан Қарсақбаев.

Ауыл әкімі ауылды өркендету бағы­тында жоспарлы жұмыстар атқа­рыла беретінін айтады.

Ердос БЕРКІНБАЕВ