Сайлау қорытындысы: Елбасы «Алғыс хаты» табысталды

Кеше «Nur Otan» партиясы аудандық филиалының мәжіліс залында ҚР Парламент Мәжілісі мен барлық деңгейдегі мәслихаттар сайлауы қорытындыланды. Бірқатар жетекші партия жақтастары мен белсенділеріне Елбасы, Партия Төрағасы Н.Ә.Назарбаевтың «Алғыс хаты» табысталды.

БАҚ өкілдерінің қатысуымен өткен іс-шарада «Nur Otan» партиясы аудандық филиалының төрағасының бірінші орынбасары Е.Жақып салтанатты жиынды ашып, сайлау қорытындысы жайлы сөз қозғады. Сонымен бірге «Nur Otan» партиясының алдағы уақытта атқаратын нақты бағыт-бағдары мен жекелеген жоспарларына тоқталды.

Айта кету керек, аудандық мәслихат депутаттығына «Nur Otan» партиясы атынан 10 халық қалаулысы сайланды.