COVID-19: Ауданда 4 жағдай тіркелді

Коронавирус инфекциясының таралуы аймағымызда бәсеңдеген жоқ. Бүгінде сиптомды және сиптомсыз белгілері бойынша вирус жұқтырғандар саны едәуір артып келеді. Аудандық тауарлар мен көрсетілетін қызметтің сапасы мен қауіпсіздігін бақылау басқармасының келтірген мәліметіне сүйенсек, өткен аптада ауданға қарасты Асқар Тоқмағамбетов ауылының – 2, Қалжан ахун ауылының  – 2 тұрғынынан COVID-19 инфекциясы (2-і симпомды, 2-і симпомсыз) анықталған.

Соңғы аптада 1 науқас жоспарлы ем алу алдында, 2 науқас провизорлы стационарда және 1 науқас тығыз  қатынаста болуына байланысты COVID-19-ға сынама тапсыру нәтижесінде вирус көзі «оң» нәтиже берген.  Қазіргі таңда сиптомсыз белгілері болмағандықтан екі науқас үй карантиніне алынса, 2 науқас облыстық жұқпалы аурулар ауруханасында хаттамаға сәйкес ем жүргізілуде.

Ауру ошақтарында мамандар індетке қарсы іс-шаралар ұйымдастырды. Сонымен бірге, қарым-қатынаста болғандар анықталып, тиісті сынамалар зертханаға жолданды. Ауру ошағында қорытынды залалсыздандыру жұмыстары жүргізіліп, тығыз қарым-қатынаста болған адамдар үй карантиніне оқшауланды.

Айта кету керек, аудан бойынша қазіргі таңда жалпы 33 зертханалық нақтыланған жағдай анықталып отыр. Оның ішінде сиптомды 29, сиптомсыз 4 жағдай  тіркелген.

Балтабай ОРДАБЕКОВ