Сырдарияда індет жұқтырған жаңа жағдай тіркелді
Бүгін Сырдария ауданында коронавирус жұқтырған бір жағдай анықталды. Аудандық тауарлар мен көрсетілетін қызметтердің сапасы мен қауіпсіздігін бақылау басқармасының келтірген мәліметі бойынша індет жұқтырған адам Қалжан ахун ауылының тұрғыны. 1938 жылы туылған ер адам бұған дейін Қызылорда қаласы көп бейінді қалалық ауруханада ем қабылдаған. Көп бейінді қалалық аурухана COVID-19 инфекциясыжағдайы тіркеліп, осы науқастармен тығыз қарым-қатынаста болған. Қазіргі таңда науқаспен қарым-қатынаста болғадар шұғыл оқшаулануда. Олардан зертханалық зерттеуге сынамалар алу шаралары және індетке қарсызалалсыздандыру жұмыстары жүргізілуде. Айта кету керек, аймағымызда коронавирус жұқтырғандар саны 318-ге жетті. Ал 231 науқас індеттен емделіп шықты.
