Сырдарияда 13 тұрғыннан коронавирусқа қарсы сынама тест алынды

Сырдария аудандық тауарлар мен көрсетілетін қызметтердің сапасы мен қауіпсіздігін бақылау басқармасы 2020 жылдың 04 сәуірінің сағат 12:00-дегі аудан бойынша COVID-19 коронавирустық инфекциясының эпидемиологиялық ахуалын хабардар етті. Бұл туралы Сырдария аудандық Ткқсқб басқармасы фейсбук  әлеуметтік парақшасында жариялады.

Бүгінде аудан бойынша шет елдерден келген 15 азамат және Алматы және Нұр-Сұлтан қалаларынан келген студенттер мен вахталық қызметтен келген – 97 азаматқа тиісті бақылау  жүргізілді.

COVID-19 коронавирустық инфекциясын жоққа шығармайтын белгілері бар 11 тұрғын және нақтыланған коронавирустық инфекциясымен қарым-қатынаста болған 2 тұрғын аудандық арухананың жұқпалы аурулар бөлімшесіндегі провизорлық стационарға оқшауланған болатын.  Барлығынан тиісті сынамалар алынып, «ҰСО» Қызылорда облысы бойынша филиалының  вирусологиялық зертханасына жолданды. Зерттеу қорытындылары бойынша COVID-19 короновирустық инфекциясына барлығынан теріс нәтиже анықталып, 13 тұрғын үй карантиніне ауыстырылып, 13 күнге бақылауға алынды.