Сырдарияда тағы 1 адам вирус жұқтырды

Қызылорда облысында 09.04.2020 жылғы сағат 08:55-тегі мәлімет бойынша 7 жағдай тіркелді.  Ауру жұқтырғандардың бесеуі Шиелі ауданында, біреуі Сырдария ауданында және бір жағдай Қызылорда қаласында тіркелді.

Шиелідегі 5 адамнан және Сырдариядағы 1 адамнан коронавирустық инфекция жұқтырған адаммен қарым-қатынаста болуына байланысты, ал Қызылорда қаласында анықталып отырған 1 адамнан ЖРВИ симптомдарына шағымдануына байланысты зертханалық сынамалар алынған.

ПТР диагностикалық зерттеу қорытындысымен COVID-19 диагнозы нақтыланды.

Қазіргі таңда науқастармен қарым-қатынаста болған адамдар анықталып, барлығы медициналық бақылауға алынуда.

Ауру ошақтарында дезинфекциялық жұмыстар жүргізіліп жатыр.

09.04.2020 жылғы жағдай бойынша облыста COVID-19 коронавирустық инфекцияға шалдыққан 92 адам анықталды:

Қызылорда қаласында – 10

Жаңақорған ауданында – 16

Қармақшы ауданында – 4

Шиелі ауданында – 52

Сырдария ауданында – 8

Арал ауданында - 2

Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті