Тіршілік тынысы Tirshilik-tynysy.kz ақпараттық агенттігі
» » «Шақырған жерге барма...»

«Шақырған жерге барма...»

Халқымызда «Шақырған жерден қалма» деген аталы сөз бар. Бұл сөзді төтенше жағдай режимінде «Шақырған жерге барма» деп өзгертсек, еш әбестігі жоқ болар. Өйткені қауіпті індеттің алдын алудың ең тиімді жолы – үйде болу, яғни оқшаулану.
Біз бір ғасырда, бір қоғамда, бір уақытта өмір сүріп жатқандықтан қауіпті дертпен күресте бәріміздің ортақ ұстанымымыз болу керек. Ол ұстаным тәртіпке және тазалыққа негізделуі тиіс. Президент елдегі эпидемиологиялық жағдайдың алдын алу мен болдырмаудың ең қарапайым жолы – тәртіпке бағыну мен тазалық сақтау екенін ашып айтты. Сондықтан әр адам жауапкершілікпен қарау керек.
Қазіргі таңда ел аумағында коронавирус індетінің таралуына қарсы қабыл­данған шешімдерді жүзеге асы­ру үшін Сырдария ауданында да қар­қынды жұмыстар жүргізіліп жатыр.Сауда нысандары, дүкендер, мей­­­рам­ханалар секілді халық көп жү­ретін орындар жұмыс уақытын қыс­қартып, дезинфекциялық шараларды күшейтті. Мұндағы бас­ты мақсат – халықтың бір-бірімен қа­рым-қа­тына­­сын барынша шектеу ар­қы­лы ви­рустың таралуына жол бер­меу.
Елдегі төтенше жағдайға және Сырдария ауданындағы санитарлық талаптарға байланысты аудандағы бірқатар мекеме жұмыс тәртібін өз­гертті. «Сыр медиа» серіктестігіне қарасты аудандық «Тіршілік тынысы» газетінің ұжымы да қашықтан жұмыс істеу режиміне көшті.
Елді мекендерге кіруге уақытша шектеу қойылуына орай аудандық газеттің таратылуында іркіліс болуда. Бұл мәселе қиын кезеңде қабылданып жатқан шаралардан туындауда. Осы­ған орай оқырмандардың аудан жа­ңа­лықтарын және газеттің ПДФ нұс­қасын электронды сайтымыздан (Tir­shilik-tynysy.kz) оқуына толық мүм­кіндігі бар. Сайт тәулік бойы жұмыс іс­тейді. Бас директордың бұй­рығы­мен қыз­меткерлер де онлайн форматта қа­шық­тықтан жұмыс іс­теуге көші­рілді. Сондықтан бұл мәсе­леге, яғни га­зет­теріңіздің ме­кен-­жайла­рыңызға кел­­мей қалуы­на түсіністік танытула­рыңызды сұраймыз.
Айта кетерлігі, газетті таратушы мамандар да өз жерлестеріміз. Олардың да үйден шықпай, талап пен тәртіпке бағынғаны дұрыс. Онлайн режимде өткен апталық жиналыста таратушыларға нақты тапсырма берілді, айлық жалақылары сақталатыны айтылды. Бүгінгі таң­да біздің басты мақсатымыз – каран­тиндік режим талаптарын бұлжытпай орындау. Сондықтан оқырмандардан осы жағдайға барынша түсіністік танытып, ортақ талапқа бағынуды сұрай­мыз. Біз қиындықты бірге еңсе­реміз!

Ақтөре ИБРАГИМҰЛЫ,
Сырдария аудандық
«Тіршілік тынысы»
газетінің Бас редакторы
04 сәуір 2020 ж. 782 0