Тіршілік тынысы Сырдария аудандық қоғамдық-саяси газет
» » Ел халқы сабырлық пен төзімділік танытуы керек

Ел халқы сабырлық пен төзімділік танытуы керек

Бүгінде ел аумағында коронавирус індетінің таралуына қарсы қабылданған шешімдерді жүзеге асыру мақсатында тиісті шаралар атқарылуда. Облыс әкімі Қуанышбек Ысқақов төтенше жағдайға байланысты қатаң тәртіпті сақтауды тапсырды. Қашанда тәртіпке бағынған қор болмайтынғын көріп жүрміз. Сондықтанда сауда орындары, дүкендер, майрамханалар жұмыс уақытын талапқа сай белгіледі. Бізде  күн  сайын халық жиі келетіндіктен  дүкенде дезинфекциялық сақтық шарасын күшейттік.
Мұндай қиын-қыстау күндері кәсіпкерлер де ұйымшылдықпен  бір арнаға ұйысуы міндет. Ел азаматтарына барынша қолдау көрсетуге өзім секілді жеке кәсіпкерлерді шақырымын. Карантин уақытында бас пайданы ойламай заң аясында әрекет ету ұтымды шешім. Сондықтан төтенше жағдай кезінде негізсіз әрекеттерге бармау маңызды.
Коронавирустың күннен-күнге өршуі сан мыңдаған халықтың өміріне қауіп төндіргені мәлім. Ежелден халқымыз  кез келген ауыртпалықты еңсеруде бір-біріне демеу болған.  Бұл ретте  ел халқы сабырлық, төзімді болып, бойдағы үрей мен қорқыныштан арылу керек. Қай кезде де баршаның көкейінде дертке байланысты  күмән сейілметіні рас. Біз тұтастай бірлігіміз арқылы сындарлы сәтте мойымай барлығын жеңеміз.  Әлемді жайлаған індет кеңінен таралмас үшін  ұқыптылық пен тиянақтылықты назарда ұстауды ұмытпайық.


Ұлпан ЕЛЕУСІНОВА,
жеке кәсіпкер 
26 наурыз 2020 ж. 43 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам