Аудан әкімі арнайы бекеттердің жұмысымен танысты

Сырдария ауданының бас санитарлық дәрігерінің 1 сәуір 2020 жылғы №1 қаулысымен аудан аумағында көліктің барлық түрлерінің келуіне және шығуына шектеу қойылып, арнайы тосқауыл бекеттері орнатылды.
Осыған орай, бүгін аудан әкімі Р.Рүстемов Тереңөзек кентіндегі тосқауыл бекеттеріне барып, жүргізіліп жатқан жұмыс барысымен танысты. Қазіргі таңда аудан орталығына кіретін «Қызылорда -Жалағаш» облыстық маңызы бар автожолы бойында 2 жерге, «Тереңөзек-Шаған» автожолында және А.Тоқмағамбетов ауылынан аудан орталығына кіре беріс жолында арнайы бекеттер орнатылды.
Тереңөзек кентінің әкімі мен аудандық полиция бөлімінің басшысы тосқауыл бекеттерінің жұмыс жасау тәртібін баяндады. Аудан әкімі Р.Рүстемұлы тосқауыл бекеттерінде көлік қозғалысын шектеу талаптарын қатаң сақтауды міндеттеп, полиция қызметкерлерінің алгоритмге сәйкес жұмыс жасалуын басты назарда ұстау қажеттігін тапсырды.

"ТТ" ақпарат