Тереңөзек станциясы қатаң бақылауда

Қызылорда облысының бас санитар дәрігерінің 30 наурыз 2020 жылғы №4 қаулысымен 31 наурыз сағат 00-ден бастап Қызылорда қаласына көліктің барлық түрлерінің келуіне және шығуына тыйым салынса, теміржол қатынасына шектеу 1-сәуірден басталды.
Осы ретте, Сырдария ауданы бойынша тауарлар мен көрсетілетін қызметтердің сапасы мен қауіпсіздігін бақылау басқармасының мамандары мен аудандық полиция бөлімі бірлесіп, Тереңөзек станциясына келіп тоқтайтын жолаушылар поездынан түскендерді есепке алып, аудандық емханаға бақылауға алу үшін мәліметтері жолдануда.
Жалпы, ауданда эпидемиологиялық ахуал қатаң бақылауға алынған. Сонымен бірге қоғамдық орындар мен сауда нысандары, аялдамалар, мекемелердің аумағын дезинфекциялау жұмыстары тұрақты жүргізілуде.

Айта кетейік, ауданға қарасты бірқатар елді мекендер жабылды және Тереңөзек кентіне кіруге толықтай шектеу қойылды. 

Майя Қожабай