Достықтың алтын дәнекері

Сырдария аудандық орталықтандырылған кітапханалар жүйесіне қарасты №1 филиал кітапханасында 1 наурыз – Алғыс айту күні мерекесіне орай  «Достықтың алтын дәнекері – Ассамблея» атты кездесу кеші өтті. Кешке өзге этнос өкілдері мен аудан ардагерлері қатысты.

Негізгі кештің мақсаты: Сыйластық құндылығы туралы түсініктерін кеңейту, ризашылық пен алғыс туралы түсінік беру, үлкен-кішіге деген сүйішпеншілігін, сыпайылық қарым-қатынасын дамыту, әдептілікке, кішіпейілділікке, ізеттілікке үйрету болып табылады.

Шара барысында өзге ұлт өкілдері  тарихи Отаны туралы айтып берді. Күнделікті жергілікті тұрғындармен тату-тәтті қарым-қатынаста екендігін жеткізді. Ортақ мәдениеті, құндылығы  хақында мәлімет берді. Өзара достық нығайып, бірлігі жарасқандығын жеткізді.

"ТТ"-ақпарат