Кәсіби шеберлік чемпионаты ашылды

Бүгін Сырдария аграрлы-техникалық колледжінде «WorldSkills Kazakhstan 2020» кәсіби шеберлік чемпионатының ашылу салтанаты өтті.

Чемпионатты колледж директорының өндірістік жұмыстар жөніндегі орынбасары Шынар Баяханова ашып, байқаудың мақсатымен таныстырды.

– Worldskills мақсаты – жұмысшы мамандықтарының мәртебесін арттыру және шеберлік дағдыларын дамыту болып табылады. WorldSkills әлемнің барлық кәсіптік білімнің дамуына тура әсер етеді, – деді Ш.Баяханова.

Байқаудың І - кезеңі колледжішілік болып саналатындықтан, жеңімпаз деп танылған білім алушы облыстық «WorldSkills Kazakhstan 2020» байқауына жолдама алады.

Сайысқа "Аспаз", "Тігін", "Тас кірпіш қалаушы" біліктіліктері бойынша студенттер қатысуда.

"ТТ" ақпарат