Жырымен жүрек тербеген
Аудандық орталық кітапхананың 2020 жылдарға арналған "Өлке болып оқимыз" атты жобасы ауданның елді-мекендерін де қамтып отыр. Жақында Іңкәрдария ауылдық модульді кітапханасы жергілікті ақын Сейітмұрат Ембергеновтың шығармашылығына арналған "Өмірде өнегелі із қалдырған" атты әдеби жыр кешін өткізді.
Игі шараға дарынды ақынның көзін көрген ауылдық ардагерлер кеңесінің төрағасы Ә.Сырлыбаев, кітапхана оқырмандары Н.Тәуекелов, Ж.Имағамбетовтер қатысып, естеліктер айтты.
Әдеби жыр кешінде ақынның өмірі мен шығармашылығы, кітаптары жас ұрпаққа кеңінен таныстырылып, жан-жақты мағлұмат берілді. Шабытты жырымен жүректерге жол тапқан Сейітмұрат Ембергеновтың "Туған жер", "Иманды бала – иманды", "Қалжан ахун", "Алланы тану – имандылық" атты туған жерге, имандылыққа, адамгершілікке арналған өлеңдері кештің шырайын кіргізді. Мәдени шара "Жырымен жүрек тербеген ақын" атты көрмеге шолу жасаумен қорытындыланды.
Шаһарбек Балтабайұлы
