Еңбекке лайық марапат
Бұрнағы күні "Ақжарма 2" шаруа қожалығының жылдық қорытынды мерекелік шарасы өткізілді. Оған аудан әкімі Руслан Рүстемов қатысты. Шара барысында аудан басшысы егінжай еңбеккерлерін Тәуелсіздік күні мерекесімен құттықтады. Шаруашылық басшысы, аудандық мәслихат депутаты Марат Бисеновке "Nur Otan" партиясы облыстық филиалының төрағасы, облыс әкімі Қ.Ысқақовтың Алғыс хатын табыстады. Сонымен бірге бірқатар шаруашылық қызметкерлерін Алғыс хаттармен марапаттады. Ақжарма ауылы жыл қорытындысымен облыстық "Үздік ауыл" байқауында тіректі елді мекен жүлделі ІІІ орынды иеленді. Келесі жылы "Ауыл – ел бесігі" жобасы аясында Ақжарма ауылындағы ауылішілік 8 көшеге орташа жөндеу жұмыстары жүргізіледі деп жоспарлануда.
