Ауа адам өміріне қаншалықты қажет болса, су да соншалықты қажет. Бірақ сол судан бо­латын қауіптің орны тол­ мас өкінішке ұрындырары сөзсіз. Тіршілікке нәр беретін өзен арнасынан асса, мал-жанға қауіп төнетіні анық.
Қалжан ахун ауылының оңтүстік-батыс бөлігінде орналасқан «Әсет» учаскесінің жа­ нында мұз кептелісі салдарынан Сырдария өзенінің су деңгейі көтерілген. Нәтижесінде, «Аласиыр» каналының ПК-440 – ПК-453 ұзындығы 1,3 шақырым қорғаныс бөгеті 9 жерінен бұзылған. Ол күріштік жер­лер, негізінен, «БАҚ» және «Қызылдихан» шаруа қожалықтарына тиесілі. Сырда­ рия өзенінен «Аласиыр» каналына дейін 2,5 шақырым, ал Қалжан ахун ауылы­на дейін 5,5 шақырым. Осыған байланыс­ты ауданда төтенше жағдай жарияланып, бөгетті нығайту жұмыстары жүргізілді. Ау­дан әкімі Ғ.Қазантаев бастаған топ күні-түні су тасқынының алдын алуға қыруар жұмыс жасады. Іргеде тұрған Қалжан ахун ауылы халқының зардап шекпеуін, аудан жұртшылығының күнкөрісіне айналған төрттүліктің су астында қалмауын қадағалады.
– Қазір судың беті қайтты, – дейді аудан әкімінің орынбасары Б.Лекеров. – Дария 1,5 метр төмен түсті. Оған барлығы 14 техника мен 80-нен астам адам күші жұмылдырылды. Қазіргі уақытта бөгеттерді нығайту жұмыстарына «Углесбыт» ЖШС (төрағасы Р.Есенов) мен «Бақ-Береке» серіктестігі (төрағасы К.Ерназаров) 5,9 шақырым бөгеттің екі жағынан бастап биіктету, нығайту жұмыстарын жүргізді. Су тоқтады. Қалжан ахун ауылына ешқандай қауіп төніп тұрған жоқ. Осы уақытта «Әйтек» су торабы­ нан секундына 255 текше метр су тасталуда.
Иә, аудан халқының бірлігінің, мықты ұйымдастырушылардың арқасында асау да­рия ауыздықталды. Елді мекендерге төнген қауіптің алдын-алу жұмыстары нәтижелі жүргізілді.