Төтенше жағдай болдырмау мақсаты қандай?

Бұрнағы күні №126 орта мектебінде аудандық төтенше жағдайлар бөлімінің аға инженері, азаматтық қорғау капитаны Р.Беркимбаев, №12 өрт сөндіру бөлімінің қызметкері Ғ.Каримов мектеп оқушыларымен өрт қауіпсіздігі хақында ашық сабақ пен кездесу өткізді.

Мектеп оқушыларына сала мамандары үйдегі электр құралдарының, пештердің, газдың қауіпсіздігі, жаңа жыл мерекесіне орай отшашуды қолданудың қауіптілігі, зардаптары туралы түсіндірді. Бұдан кейін бейнеролик көрсетіліп, арнайы парақша таратты.

Сонымен қатар кездесуде мамандық таңдау, төтенше жағдайлар саласы бойынша білім алудың, оқудың жайы туралы насихат шараларын жүргізді. Көкшетау техникалық институты жайлы бейнеролик көрсетілді. «Жас құтқарушылар» клубы жұмысының негізгі бағытын айқындап берді

«ТТ»-ақпарат