Тіршілік тынысы Tirshilik-tynysy.kz ақпараттық агенттігі
» » Тойды қалай өткізіп жүрміз?

Тойды қалай өткізіп жүрміз?

Қазақ үшін той – қуа­ныш. Туған-туысты ақ дастарханда қосу, ізгі ті­лектерді есту, ақсақалдар мен ел аға­ларының батасын алу – тойдың түпкі мүддесі. «Өмірдің бір сатысын абы­рой­мен өткердім» деп ел-жұр­тының алдында бер­ген есебі десе де болады. Осы тұста дастарханның сәні келіскенімен, тойдың мәні қашып барады. Бүгінгі талқыдағы тақырып – осы.
Тойдан демалып емес, шаршап қай­тамыз. Ертеректе қазақ­тың әрбір тойы – ұлттық тәр­бие бесігі болған болса, осы заманғы тойлар әдет-ғұрып­тың, салт-дәстүрдің, өнердің бағын тұншықтыруда. Жаңаша­лап, елде болмаған кәде-сыйды ойлап шығарып, «ерек­шеленудің жолы осы екен» деп әркім ойына келгенін істейтін шараға айналып бара жатқаны тағы бар.
Шындығында осы тақы­рып та бүгінгі күні көпшілік болып ой қозғап, пікір таластыратын деңгейге ке­ліп тұр­ған секілді. Себебі бүгінде көпшілік уақыттың қадірін біл­мей жүр. Ал тойдағы бос даң­­ға­за дүниелер сол қымбат уа­­қыт­ты шығындауға әкеп соқ­тыруда. Атақты бабаларымыз Жам­был, Кенен, Шашубай, Сүйін­бай, Нұрпейістің ақындық, айтыскерлік өнері, Балуан Шо­лақтың, Қажымұқанның алып күш­тің иесі ретінде шыңдалу мек­­тептері қазақтың ұлан-асыр той­ларының төрі болғаны бар­шамызға аян. Осындай жолмен танылған атақтылардың есімін тізе беруге де болады. Бірақ бүгінгі айтпағымыз қайткенде ұлттық құндылықтарымызды, салт-дәс­түр ерек­шеліктерімізді ескеріп, тойға уақытында барып пайдаға жарататын шараға айналдырамыз.
Тойға шақырылғанда той иесінің құрметпен күтетіні әрине, қонақтар. Бар жиған-тергенін тойға жаратуға арнаған қазекем меймандарының асты-үстіне тү­седі. Сол сыйлы дастарханға оты­р­удың уақыты бүгінде мезгілі­нен 2-3 сағат кешігуі әдетке айналған. Кешкі жетіге шақырса, тоғыз бен онға таман әрең жиналады. Кешігіп басталған той алдымен келген бірен-саран тәртіпті қонақтарды да, күте-күте екі көзі төрт болған той иелерін де шаршататыны ақиқат.
Осы тақырып аудандық қо­­­ғам­дық ке­ңес отырысында тал­қы­ланды. Мұнда көтерілген бас­­ты мәселе – той уақытын қыс­қарту болды. Түн жарымда басталып, таң атқанда аяқталатын бұл мерекелерді тәртіпке келтіру керектігі айтылды. Жиында аудандық ардагерлер кеңесінің төрағасы Х.Әбенұлы Арал ауданындағы мейрамханалар түнгі он екіде жұмысын тоқтатып, мереке аяқталатынын тілге тиек етті. Осы бастаманың біздің ауданға да қажеттігі туындап отырғанын жеткізді. Кеңес мүшелері кенттегі мейрамхалар иесінің де басын қосты, мәселенің маңызын айқындады. Ал нәтижесінде аудан бойынша той уақыты 19:00-де басталып, 00:00-де аяқталуы тиіс деп шешім қабылданды. Ал «тәртіпке бағынған құл болмайтынын» ескерсек сырдариялықтар осы­ған бейімделуі керек.
Одан бөлек кеңес отырысында діни жоралғылар мен Құран бағышталатын мешіттерге арнайы ас мәзірін бекіту керектігі жөнінде аудандық мәслихат хатшысы Е.Әжікенов мәселе көтерді. А.Тоқмағамбетов ауылында бас­тау алған бұл қағиданы барлық елді мекенге үлгі ете отырып, енгізу қажеттігін жеткізді. Яғни тек жеті түрлі астан дастархан дайындалу керек. Оған ет пен бауырсақ, май мен тары, қаймақ және кәмпит пен печенье кіреді. Ал жеміс-жидек пен сусындар, салаттар қоюға тыйым салынбақ.
Қоғамдық кеңес отырысында білім бөлімі басшы­сының міндетін атқарушы Қ.Омаровтың хабарламасы тыңдалды. Мұнда ауданға қарасты бірнеше бала­бақша атауын өзгерту туралы шешім қабылданды. Сондай-ақ аудандық экономика және бюд­жетті жоспарлау бөлімінің басшысы Ғ.Акбаров бірнеше мәселе төңірегінде баяндама жасады.


Майя ҚОЖАБАЙ
07 желтоқсан 2019 ж. 590 0