Төл газетке түгел жазылған ұжым

Қазір баспасөзге жазылу нау­қаны жүріп жатыр. Көзі қа­рақ­ты оқырман ауданда болып жатқан жаңалықтармен үнемі танысып оты­ру үшін аудандық «Тір­шілік тынысы» газетіне жазылуда. Осы тұста, аудандық басылымды мемлекеттік мекемелер мен көптеген ұжымдар арнайы жаздырып, оқиды. Солар­дың қатарында ұжыммен толық газетке жазылған аудандық әуез мектебі ұжымын атап айтуға бола­ды. Марат Сәдуақасов басқара­тын мекеме қызметкерлері – газеттің ­тұрақты оқырманы. Олар жыл сайынғы баспасөзге жазылу науқа­нында белсенділік танытады.

– Уақытылы газет алып, аудан жаңалықтарымен аудандық газет арқылы танысамыз. Аудан өнерпаздары жетістікке жете қал­са, ол міндетті түрде газет бетінде сүйіншіленеді. Жалпы аудандық әуез мектебі мен аудандық басылым арасында тығыз байланыс орнаған. Ауданның әрбір тұрғыны аудандық газеттің тұрақты оқыр­маны болуы керек деп санаймын, – дейді мектеп директоры.

Ауданның өнеріне өзіндік үлес қосып келе жатқан ұжымға алғыс айта отырып, шығармашылық табыс тілейміз!

«ТТ» ақпарат