Жүктелген міндеттің жүгі ауыр

Аудан әкімдігінде өткен қоғамдық кеңестің отырысында аудан әкімдігінің мемлекеттік қызметтерді көрсету бағытында ағымдағы жылдың 9 айында атқарылған жұмыстары тыңдалды. Отырысқа аудан әкімі Р.Рүстемов, ҚР Мемлекеттік қызмет істері агенттігінің Қызылорда облысы бойынша депар­таментінің басшысы Н.Талқанбаев, департамент қызметкерлері, қоғамдық кеңес мүшелері және аудан активі қатысты.

Қазіргі таңда мемлекеттік қызмет көрсету қоғамда үлкен рөл атқарады. Оның ішінде ақпараттық қоғам дамы­ған сайын барлық қызмет электронды нұсқаға көшірілуде. Осыған қатысты аудан әкімі аппаратының басшысы Б.Қарсақбаев бүгінгі күнге ауданның жергілікті атқарушы органдары арқылы 100 мемлекеттік қызмет көрсетілетінін атады. Жалпы осы жылдың 9 айында қызмет алушыларға 31407 мемлекеттік қызмет көрсетілген. Биылғы жылы «Жеке қосалқы шаруашылықтың бар болуы туралы анықтама беру» мемлекет­тік қызметі мемлекеттік көрсетілетін қызметтер тізілімінен алынып тастал­ғандықтан өткен жылдың тиісті кезе­ңімен салыстырғанда Мемлекеттік корпорация мен Электронды қызметтер көрсеткіші төмен болып отыр. Десе де мемлекеттік орган арқылы көрсетілетін, барынша талап етілген баламалы қызметтердің санын көбейтіп отырған мемлекеттік қызмет түрлері бар. Өз хабарламасында аппарат басшысы мем­лекеттік көрсетілетін қызметтердің мерзім бұзушылық факторларын болдырмау мақсатында аудан әкімдігімен күнделікті ХҚКО ықпалдастырылған ақ­па­рат жүйесі арқылы мониторинг жүр­гі­зіліп отырғанын жеткізді.

Келесі кезекте ҚР Мемлекеттік қыз­мет істері агенттігінің Қызылорда облысы бойынша департаментінің бас маманы Р.Еспенбетов аудан бойынша мемлекеттік қызметтерді көрсету сапасына және қолжетімділігіне жүргі­зіл­ген мониторинг жұмыстарының қо­­­­­ры­­тын­дысын мәлімдеді. Ол бо­йын­ша­ кейбір мемлекеттік мекемелерде ақпа­рат­тық тақта өзектендірілмей, мүм­кіндігі шектеулі жандарға кедергісіз қызмет алуға арналған арнайы қоңы­рау­лардың істемей қалғандығын атап айтты. Осыған қатысты жауапты қызметкерлердің тәртіптік жауапкер­шілігі қаралған.

Отырыста қоғамдық кеңес мүшесі Ұ.Жанәлиева сөз сөйлеп, мемле­кеттік көр­сетілетін қызметтің сапалы іске асырылуына қоғамдық ке­ңес мү­­шелері атсалысатынын жет­кізді. Ал­ ҚР Мемлекеттік қызмет істе­рі агент­­тігінің Қызылорда облысы бо­­йын­ша департаментінің басшысы Н.Тал­қанбаев 2020 жылы электрон­ды қызмет көрсетуді 90 процент­ке жет­кізу қажеттігін атады. Бұл тұрғыда мем­лекеттік қызметшінің сауаттылығын арттыруды айтты. Өйткені қазіргі таңда ауданда мемлекеттік қызметті элек­трон­ды түрде жүргізу әлі де тиісті дәрежеде жүзеге асырылмай отыр. Сондықтан алдымен мемле­кеттік қызметшілер аталған қызметтің тиімділігін пайдала­на білуі тиіс. Осыған орай департамент басшысы «Аза­маттарға арналған үкімет» мемлекеттік корпорациясы коммер­циялық емес акционерлік қоғамының Қызылорда облысы Сырдария аудандық бөлімшесі қызметкерлерімен бірлесе жұмыс іс­теу­ді атап өтті.

Кеңес отырысында аудан әкімі Р.Рүстемов бүгінгідей айшылық алыс жерлерден жылдам хабар алғызатын ақпараттық қоғамға мемлекеттік қыз­мет­ші тез бейімделу керектігін атады. Оған бейім болса, жұмыстың тиімділігі артып, уақыт үнемделеді. Осы бағытта тиісті жұмыстар атқарылатынын айтып, қоғамдық кеңес отырысына қа­тысқан департамент басшысына алғыс білдірді.

Жиынды аудандық қоғамдық кеңес төрағасы М.Омаров қорытындылап, күн тәртібіндегі мәселенің шешімі шы­ға­­рылды.

Е.БЕРКІНБАЕВ