Тіршілік тынысы Tirshilik-tynysy.kz ақпараттық агенттігі
» » Бұл мамандық – менің мақтанышым

Бұл мамандық – менің мақтанышым

Мамандық таңдау – кімнің де болсын үлкен өмірге қадам басудағы маңызды шешімі. Таңдалған мамандықтың қоғамға берер пайдасын сараптау да мектеп түлегі үшін жауапты кезең. Болашақтың іргесін қалауда кітаптың орны ерекше екені бәрімізге аян. Кітап – жаныңды ұғатын бірден-бір құнды дүние. Рухани азықты адамның бойына өмірлік нәр етіп себетін кітаптың адамзаттың өміріндегі алар ерекшеліктерін айтып тауысу мүмкін емес. Ал сол кітапты оқырманға бар ықыласымен ұсынатын ерекше мамандық иесі – кітапханашы. Мәдениеттің ошағында бар байлықты көзінің қарашығындай көретін кітапханашы – өзгеге үлгі нағыз тұлғаның келбетін қалыптастырушы. Бүгінде мамандықтың жоғарғы деңгейде дамуына еліміздегі білім беру саласында үлкен басымдықтар берілуде.
Менің мамандығым – кітапханашы. Бұл мамандықты таңдауда ата-анамның қолдауы көп болды. 2015 жылы Әл-Фараби атындағы ҚазҰУ-не оқуға түсіп, еліміздегі бас кітапхана – Қазақстан Республикасы Ұлттық кітапхананда іс-тәжірибеден өттім. Ол жерден көп нәрсе үйрендім. Сол білім-білігімді өзім оқыған қара шаңыраққа келіп көрсетуді, тәжірибемді шыңдауды мақсат еттім. Соған орай мектепке жұмысқа тұрып, кітапханашылық қызметке кірістім. Бұл мамандық – менің мақтанышым. Бұл жолда маған білім берген ұстаздарыма алғысым шексіз.

Әсел РАХМЕТОЛЛА,
А.Тоқмағамбетов атындағы №135 орта мектеп кітапханашысы
20 қазан 2019 ж. 726 0