Теңіз кен орнының үстінде алып отты шар неден пайда болғаны белгілі болды
«Теңізшевройл» ЖШС баспасөз қызметіндегілер Атырау облысындағы Теңіз мұнай-газ кен орны зауыттарының бірінің үстінде алып отты шардың неден пайда болғанын түсіндірді, деп хабарлайды ҚазАқпарат.
«Қондырғылардың жөнделуіне байланысты, Теңіз кен орнындағы зауыттардың бірінде таза тауарлық газдың бір бөлігі жағылды. Бұл жоспарға сай іске асырылып отыр. Мемлекеттік органдардың барлығына алдын ала хабар беріліп, тиісті рұқсат алынған», – деп мәлімдеді мұнай компаниясының баспасөз қызметі.
Айта кетсек, Құлсары – Теңіз күре жолымен бара жатқан куәгерлердің бірі зауыт үстінде пайда болған алып отты шарды суретке түсіріп алған.
