ЖАСӨСПІРІМДЕР АРАСЫНДА ФУТБОЛДАН ЖАРЫС ӨТТІ

Сырдария ауданындағы орталық стадионда 2004-2005 жылы туылған жасөспірімдер арасында футболдан «Былғары доп – Ұлттық мектеп лигасы» Республикалық жобасының аудандық іріктеу ойындары болып өтті.

Жарысқа 7 команда 105 спортшы қатысты. Әр аймақ бойынша үздік шыққан командалар облыстық сайысқа мүмкіндік беретін жолдаманы сарапқа салды.

Күн бойына созылған ойындар нәтижесінде №137 С.Сейфуллин атындағы орта мектеп командасы қарсылас шақ келтірмей, іріктеу ойындарының жеңімпазы атанды.

Енді №137 С.Сейфуллин атындағы орта мектеп командасы 11-16 мамыр күндері аралығында Сырдария ауданы, Н.Ильясов ауылында Республикалық сайысқа мүмкіндік беретін облыстық ойынға қатысады.

Жарыс нәтижесінде: 

1 орын №137 С.Сейфуллин атындағы орта мектеп

2 орын №35 И.Тоқтыбаев атындағы мектеп-лецей

3 орын № 131 Т.Қозыбаев атындағы орта мектеп

"Тт" ақпарат