Халыққа қызмет көрсету орталығының халыққа қалтқысыз қызмет еткен азаматы, білікті басшы, өз ісінің білгірі Бердіхан Лесханұлы Исматуллаевты еске алуға арналған шағын-футболдан облыстық ашық турнир өтті. Оған аймақтағы ХҚКО қызметкерлерінен құралған 9 команда қатысып, бақ сынады. 
ХҚКО ұжымы мен Бердіхан Лесханұлының жанашыр достары ұйымдастырған турнирге Сырдария мен Жалағаш аудандарының ХҚКО қызметкерлерінен құралған команда қатысып, тартысты ойын өрнегін көрсетті. Олар 5 ойын өткізіп, қарсыластарын басымдықпен жеңген. Соның нәтижесінде "Жалағаш-Сырдария" құрама командасы I орынды жеңіп алды. Ал II орынды Б.Лесханұлының жанашыр достар құрамасымен достар командасы жеңіп алса, III орынды "Орда" командасы (1 қалалық бөлімі) иеленді. Жеңімпаздардың барлығы ақшалай сыйақымен мараптталды.