Норвегия Бразилияны жеңіп, әлем чемпионатында алғаш рет ширек финалға өтті
Норвегия құрамасы футболдан әлем чемпионатының 1/8 финалында Бразилияны 2:1 есебімен жеңіп, өз тарихында алғаш рет турнирдің ширек финалына жолдама алды, деп хабарлайды Egemen.kzАҚШ-тың Нью-Джерси штатында өткен кездесуде норвегиялықтардың қос голын Эрлинг Холанд соқты.
Бразилия сапында Неймар пенальтиден бір голмен көзге түсті. Сондай-ақ бірінші таймда Бруно Гимарайнш 11 метрлік айып добын мүлт жіберді.
Осылайша Норвегия құрамасы тарихында алғаш рет әлем чемпионатының ширек финалына шықты. Бұған дейін норвегиялықтар екі рет 1/8 финал кезеңіне дейін ғана жеткен еді.
Ширек финалда Норвегия Мексика – Англия жұбының жеңімпазымен кездеседі. Ол ойын 12 шілде күні АҚШ-тың Майами қаласында өтеді.
