Тіршілік тынысы Tirshilik-tynysy.kz ақпараттық агенттігі
» » Англияны жеңген Хорватия алғаш рет әлем чемпионатының финалында ойнайды

Англияны жеңген Хорватия алғаш рет әлем чемпионатының финалында ойнайды


Ресейде өтіп жатқан футболдан 2018 жылғы Әлем чемпионатының екінші жартылай финалдық ойынында Мәскеудегі "Лужники" стадионында Хорватия құрамасы Англияны 2:1 есебімен жеңіп, финалға шықты, деп хабарлайды Baq.kz тілшісі.

Англия ойынды сәтті бастады. Киран Триппьердің айып алаңынан соққан голы командасын 1:0 есебімен алға шығарды. Ал Хорватия болса екінші таймда жақсы ойнай бастады. Матчтың 67-минутында Иван Перишич есепті теңестірді.
90 минут аяқталғанша командалар бір-біріне соққылар бағыттаса да гол соғылмады. 1:1 есебімен негізгі уақытты аяқтаған футболшыларға қосымша уақыт берілді. 109-минутта хорват Марио Маджукич ағылшындардың чемпион болу арманының күл талқанын шығарды.
Хорватия 15 шілде күні Мәскеуде чемпиондыққа үміткер Франция құрамасымен кездеседі. Ал Англия 14 шілдеде Санкт-Петербургтегі стадионда Бельгия құрамасымен үшінші орынға таласады.

12 шілде 2018 ж. 777 0