Жасөспірімдер арасында футболдан жарыс өтті

Сырдария ауданындағы орталық стадионда 7-8 сынып оқушылар арасында футболдан «Былғары доп – Ұлттық мектеп лигасы» Республикалық жобасының аудандық іріктеу ойындары болып өтті. Жарысқа 15 команда 200 ге жуық оқушы қатысты.

Күн бойына созылған ойындар нәтижесінде №36 мектеп - лицей командасы қарсыласқа шақ келтірмей, іріктеу ойындарының жеңімпазы атанды.

Енді №36 мектеп - лицей командасы мамыр айы аралығында Қызылорда қаласында, Республикалық сайысқа мүмкіндік беретін облыстық ойынға қатысады.

Жарыс нәтижесінде:
1 орын №36 мектеп - лицей
2 орын №132 орта мектеп
3 орын № 35 мектеп - лицей