Білім саласы қызметкерлері баскетболдан бақ сынасты

Кеше Шіркейлі ауылында ұлағатты ұстаз, Орынбек Қосжанұлын еске алуға арналған білім қызметкерлері арасында баскетболдан аудандық турнир өткізілген болатын. №129 Ә. Жәмішев атындағы мектеп-лицейде ұйымдастырылған еске алу турнирін Шіркейлі ауылының әкімі Талғат Құламқадіров ашты.

– Білім саласында қажырлы еңбек еткен  ұстаз Орынбек Қосжанұлы көптеген естеліктер айтуға болады. Ардалы азамат түрлі салада қызмет ете жүріп, елдің дамуына айрықша үлес қосты. Мемлеттік саланың қыр-сырына қаныққан ағамыз 9 жыл ауылды басқарды. Кейіннен, өзі білім алған мектеп еңселі еңбек етті. Қашанда жақсының атын ұмытпаймыз. Міне,  ауылдың азаматын еске алып, әріптестері баскетболдан жарыс ұйымдастыруда. Жарысқа қатысушыларға сәттілік тілеймін, – деді ауыл әкімі.

 

Өз кезегінде баскетбол жарысына 5 команда қатысты. Спорттық бәсекеде жеңімпаздар анықталып, Орынбек Қосжанұлына арналған турнир жоғары дәрежеде өткізілді. Бұл ретте, аяулы жанның достары, ағайын-туыстары, әріптестері сырлы естерліктерімен бөлісті.