Халықаралық турнир мәресені жетті

20-23 қыркүйек күндері аралығында өткен Мемлекет және қоғам қайраткері Елеу Көшербаевты еске алуға арналған дәстүрлі турнир өз мәресіне жетті.

Балалар мен жасөспірімдердің арасында саламатты өмір салтын қалыптастыру және насихаттау, жас спортшылардың шеберлік деңгейінің жоғарлауына, спортшыларды тәрбиелеуді қамтамасыз ету мақсатында өткізілген жарысқа 20-ға жуық команда, 250-ден астам спортшы қатысты.

Турнирде үздік ойынымен көзге түскен спортшыларды төмендегідей номинациямен марапатталды.
"Үздік ойыншы"- Болатұлы Ерасыл (Алматы облысы); "Үздік үйлестіруші"- Өскенбай Мұхамедияр (Жаңақорған ауданы); "Үздік шабуылшы"- Мешітбай Санжар (Екібастұз қаласы); "Үздік қорғаушы"- Абрамов Алексей (Түркістан облысы); "Үздік төреші"- Абдреймов Ғалымжан; "Үздік жаттықтырушылар" Сопыбеков Самат – Түгіскен ауылы, Райымханов Иса – Түркістан облысы; Момынгелдиев Айдар-Талдықорған қаласы.

Турнирдің қорытындысы бойынша Алматы облысының командасы бірінші орын, Сырдария ауданының волейболшылары екінші орын, Түркістан облысының командасы үшінші орын тұғырынан көрінді.

Сурет авторы Андрей Тайгунов