Тіршілік тынысы Сырдария аудандық қоғамдық-саяси газет

PDF нұсқалар мұрағаты

85 газет

10 қараша 2018 ж.

84 газет

06 қараша 2018 ж.

83 газет

03 қараша 2018 ж.

Жаңалықтар мұрағаты

«    Қараша 2018    »
ДсСсСрБсЖмСбЖс
 1234
567891011
12131415161718
19202122232425
2627282930 
» » ЖЕҢІСІМДІ АУДАН ХАЛҚЫНА АРНАЙМЫН

ЖЕҢІСІМДІ АУДАН ХАЛҚЫНА АРНАЙМЫН


ҚР Мәдениет және спорт министрлігі Спорт және дене шынықтыру істері Комитеті, ҚР Тоғызқұмалақ спорты Федерациясы жəне Алматы қаласы Дене шынықтыру және спорт басқармасы, Алматы қаласы тоғызқұмалақ зияткерлік ойыны қауымдастығының ұйымдастыруымен үстіміздегі жылдың 6-11 ақпан күндері тоғызқұмалақтан Қазақстан Республикасының кубогына арналған жарыс өткізілді. Жарысқа республиканың 12 облысынан жүзге жуық спортшы қатысты.
Қызылорда облысының команда­сын аға жаттықтырушы Хакімжан Елеу­сінов бастап барды. Облыстан 6 спорт­шы жолдама алса, оның ішінде сыр­да­рия­лықтардың үлес салмағы зор. Ауданымыздан тоғызқұмалақшы Бек­сұлтан Бостандықов, Дамир Ахметов, Ақерке Кенжебекова, Нұрсұлу Махановалар бар. Аталмыш жарыста аудан мақтанышы Бексұлтан Бостандықов қо­ла жүлдені жеңіп алды. Жарысқа тың­ғылықты дайындалған жас спортшы жеңісін ауданның 90 жылдық мерейтойына арнайтынын айтты.
– Биыл ауданымыздың құрылғаны­на 90 жыл толады. Осыған орай, жеңі­с­­­­­­ім­ді аудан халқына арнаймын. Мен ын­тымағы жарасқан ауданда туғанымды, білім алғанымды, спорт­қа алғашқы ұмтылыстарымды осы өңірде бастағанымды бақыт санаймын. Алдағы уақытта да биік белестерді бағындырамын деп ойлаймын, – дейді Бексұлтан Бостандықов.
Толағай табыстарға жетіп үлгірген спортшы №35 И.Тоқтыбаев атындағы мектеп-лицейдің түлегі. Республика көлеміндегі жарыстардан жеңімпаз атанып жүрген Бексұлтан қатарластары арасында алғырлығымен дараланады. Қашанда байрақты бәсекелердің бел ортасынан табылатын спортшы толағай жетістіктерін туған жеріне арнаудан жалыққан емес.

Балтабай АЯБЕКҰЛЫ

13 ақпан 2018 ж. 249 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам