Елбасының «Болашаққа бағдар: Рухани жаңғыру» бағдарламалық мақаласындағы міндеттерге орай 27-28  қаңтар күндері «Евразия» спорт кешенінде ардагерлер арасында футзалдан белгілі футболшы Әбіл Қалымбетовті еске алуға облыстық ашық турнир өтеді.
    Облыстық дене шынықтыру және спорт басқармасы, облыстық футбол федерациясы ұйымдастырып отырған жарыста  аудандар мен Қызылорда, Байқоңыр қалаларынан келген 40 және одан жоғары жастағы ардагер спортшылар бақ сынасады.  
    Қазақстанның даңқты футболшыларының қатарындағы Ә. Қалымбетов ойыншы ретінде 20 маусымда өнер көрсетіп, 13 жылын осы салада басшылық қызметтерін атқаруға жұмсады.
    Жарыстың жеңімпаз және жүлдегер командалары, үздік ойыншылары диплом, бағалы сыйлықтармен марапатталады.
    Жарыс 27 қаңтар күні сағат 9.00-де басталады, осы күні 12.00-де салтанатты ашылуы өтеді.