17-20 қазан күндері Атырау облысында (WT) БЖСМ, ОРМБЖСМ, ОРДО, ДБСМИ және ЖСШМ арасындағы таеквандодан Қазақстан Республикасының чемпионаты өткен болатын. Дүбірлі бəсекеде жерлестеріміз жерге қаратпады. Аудан мерейін асырып, жүлделі орындарды қанжығасына байлады. Атап айтсақ, 34 кг салмақта Сәбит Шахиризада І орынды иеленсе, Дидар-ай Рахымбердина 28 кг салмақта ІІ орыннан көрінді. Мадина Амантай 30 кг салмақта жүлделі ІІІ орынды алды. Мұнымен қоса 24 кг салмақта Томирис Ернатқызы, Жанарыс Ташкенбаев (26 кг салмақта) секілді жас спортшыларда марапапат биігінен көрініп ІІІ орынды аймақ қоржынына салды. Намысты қолдан бермей, жүлдегер атанған жас талаттарды шын жүректен құттықтаймыз. Естеріңізге сала кетейік, жеңімпаздардың жаттықтырушысы –  Марат Алдабергенов пен Бақытжан Баймырзаев.