ҚР кезектен тыс Президент сайлауына дауыс беруде сырдариялықтар белсенді қатысуда. Тереңөзек кентіндегі №155 сайлау учаскесінде Мемлекеттік Гимн орындалғаннан кейін тұрғындар өз таңдауын жасап, дауыс беруде. Аудандық мәдениет үйіндегі сайлау учаскесінде ең алғаш болып Айда Болатқызы дауыс берді. Ең бірінші дауыс берген сайлаушыға «Әлемнің ұлы кереметтері» кітабы сыйлыққа берілді.
Сондай-ақ, №157 сайлау учаскесінде де алғаш дауыс бергендерге сыйлық табыс етілді. Атап айтқанда, Марат Шүмекеев пен Айгүл Қарсаңқызы бірінші болып өз таңдауларын жасады.
Еске сала кетсек, бүгін Қазақстан Президентін кезектен тыс сайлау өтуде. ҚР Президентінің кезектен тыс сайлауында ел ішінде және шет елдерде 9 968 дауыс беру учаскесі жұмыс істейді. Оның ішінде, Сырдария ауданында 18 сайлау учаскесінде тұрғындар дауыс беруде.