"Сырдария ауданының тұрғындары еліміз үшін саяси маңызды науқанға белсенді қатысуда",- деп хабарлайды аудан әкімінің баспасөз хатшысы Ақтөре Ибрагимұлы "Фейсбук" әлеуметтік желісіндегі жеке парақшасында.
Қазіргі таңда аудандағы барлық сайлау учаскелері сайлаушылар үшін талапқа сай жоғары деңгейде қызмет көрсетуде.
Таңертеңгі сағат 07.00-де аудандағы барлық сайлау учаскелерінде Мемлекеттік Гимн орындалды. Сондай-ақ, халқымыздың игі дәстүріне сәйкес, сайлау жұмыстарын жасы үлкен қария батасын беріп ашты.
Айта кету керек, дауыс беруге ең алғашқы келген сайлаушыға аудандық сайлау комиссиясы тарапынан естелік сыйлықтар берілді. Жалпы, сырдариялық сайлаушылардың белсендігі және көңіл-күйі жоғары.