Кеселмен күресте осалдық кешірілмейді

Қоғамның жойылмас індеті саналатын сыбайлас жемқорлық – мемлекеттік биліктің, қоғамдық институттардың және жеке тұлғалардың өз өкілеттіктерін жеке пайдасы үшін заңсыз пайдалануы екені даусыз. Бұл құбылыс кез келген елдің дамуына кедергі келтіріп, күнделікті өмірде әділетсіздік пен сенімсіздік туындататыны жасырын емес.

Негізінен, сыбайлас жемқор­лықтың түрлері өте көп саналады. Оған пара алу мен беру, қызмет бабын асыра пайдалану, бюджет қаражатын жымқыру, тендерлік шарт­тарды бұзу секілді көптеген фактор жатқызылады. Мұндай әрекет­тердің салдары – эконо­микалық құлдырау, әлеуметтік теңсіздік, халықтың билікке деген сенімінің төмендеуіне әкеліп соқтырады. Қазіргі уақытта ауданға қарасты мәдениет саласында сыбайлас жемқорлықтың алдын алу­ға байланысты кешенді іс-шара жүр­гізіп келеді.

Жалпы Сырдария аудандық мә­дениет және тілдерді дамыту бөлі­міне қарасты 34 мекеме бар. Өз кезегінде 16 мәдениет үйі мен клубта, 1 мәдени демалыс кешен, 17 кітапханада жемқорлық салдарынан орын алатын келеңсіздіктерді болдырмауға байланысты жан-жақты жұмыс жасалуда. Сонымен қатар аудандық мәдениет үйі жанын­дағы комплаенс офицерінің жұмы­сын жандандыру үшін бірне­ше маңызды қадам мен іс-шара қабыл­данды. Жыл басынан бері көпшілікке бейнероликтер көрсе­тіліп, мектеп оқушылары арасында байқау, түсіндірме және ішкі талдау жұмысы ұйымдастырылды. Халық арасында құқықтық сауат­тылықты арттыру, ашықтық пен есеп берушілікті нығайту – бас­ты назарда. Бөлім басшы ретінде сыбайлас жемқорлық факторларын бол­дырмауға байланысты жоспарлы жұмыспен танысып отырамын. Сырдария ауданы әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссия отырыстарында аталған тақырыпқа қатысты бөлім тарапынан атқарылған жұмыс баяндалып отырады.

Жемқорлықпен күрес тек мем­лекеттік органдардың міндеті емес. Әрбір азамат адалдықты, әділ­­­­дікті басты құндылық ретінде қабылдап, өз ортасында заң мен тәртіпті сақтау үшін әрекет етуі тиіс. Қоғамдағы жемқорлықты тоқтату баршамыздың ортақ парызымыз саналады.

Анар ҚАЛДЫБАЕВА,

аудандық мәдениет және тілдерді

дамыту бөлімінің басшысы

Фото: Н.НҰРЖАУБАЙ