Жемқорлық – қоғам дерті
Жемқорлық – мемлекеттің, қоғамның дамуына тежеу болатын, болашағына кесірін тигізетін індет. Сыбайлас жемқорлықпен күресу бүгінгі күннің күрделі мәселесі болып отыр. Оған осы бастан тоқтау қоймаса, мемлекетте тұрақты өсіп-өркендеу болмайды. Қазақстан Республикасының мемлекеттік саясатының негізгі басымдықтарының бірі осы зұлымдықпен күресу болып табылады.Сыбайлас жемқорлықпен күрес – қоғам талабы. Сыбайлас жемқорлық мемлекеттің саяси және қоғамдық институттарына кері әсер етіп, әлеуметтік-экономикалық даму үдерісін баяулатады, сайып келгенде, елдің даму болашағына үлкен қауіп төндіреді.Еліміз елу елдің қатарына ену үшін аяқ басқанда айналамызды ашкөз алаяқтардан аластап, қоғамды тазарту – азаматтық міндетіміз.
Сыбайлас жемқорлық қоғамның ақауы болып табылады. Осы ретте, қоғамға, өскелең ұрпаққа сыбайлас жемқорлықтың аса ауыр құқықбұзушылық екенін ұғыну маңызды. Азаматтардың сыбайлас жемқорлыққа қарсы мәдениеті, сыбайлас жемқорлыққа тұрақты иммунитеті болмаса, қалаулы нәтижеге қол жеткізу мүмкін емес. Біздің қоғамның әрбір толыққанды және дені сау мүшесі жемқорлыққа қарсы күрес – бүкіл қоғамның, әрбір азаматтың ісі екенін түсінуге тиіс. Сыбайлас жемқорлыққа қарсы мәдениетті қалыптастыру маңызды.
Жас буынға жемқорлықтың теріс салдары туралы ақпаратты дұрыс жеткізу – олардың сыбайлас жемқорлыққа қарсы мәдениетінің қалыптасуына, өз құқықтары мен міндеттерін терең ұғынып, жете түсінуіне және орындауына көмектесудің алғышарттарының бірі болып саналады.
Сыбайлас жемқорлық – қоғамның ең басты қауіп-қатерлерінің бірі. Бұл кесел мемлекет пен қоғамның тұрақтылығына, ел экономикасының ілгерілеуіне үлкен кедергі келтіріп отыр. Десек те, осындай келеңсіз құбылыстармен күрес жүргізу тек сот, құқық қорғау және басқа да мемлекеттік органдардың міндеті емес, әр азаматтың парызы екенін естен шығармаған абзал.
Елімізде жемқорлықпен күрес жұмыстары жүйелі жүргізілуде. Пара беруші де, алушы да қылмыстық жауапкершілікке тартылады. Сыбайлас жемқорлық тек құқық бұзушылық емес. Бұл мемлекеттің тиімділігіне деген сенімді төмендетеді және ұлттық қауіпсіздікке тікелей қатер төндіреді.
«Сыбайлас жемқорлыққа қарсы іс-қимыл туралы» Заң талабының аясында жемқорлыққа қарсы іс-әрекеттер барлық салада жүзеге асырылуда. Бұл дертпен күрес мәселесі біраз мемлекет үшін көкейтесті проблемалардың бірі. Сырдария аудандық дене тәрбиесі, спорт және туризм бөлімі жаңадан құрылуда. Спорт және туризм саласында жемқорлықтың алдын алу бағытында ауқымды жұмыстар атқарылатын болады.
Бағдат Есенов,
Сырдария аудандық дене тәрбиесі, спорт және туризм бөлімі басшысының м.а
Фото: Н.Нұржаубай
