Партиялық бақылау комиссиясының отырысы өтті
Бүгін аудандық партия филиалының мәжіліс залында партиялық бақылау комиссиясының кезекті отырысы өтті. Отырысты партиялық бақылау комиссиясының төрағасы, облыстық мәслихат депутаты Жұмабек Ембергенов ашып, жүргізді. Отырысқа аудандық партия филиалының төрағасы Ержан Әжікенов, комиссия мүшелері, депутаттық фракция мүшелері, сала басшылары қатысты.Отырыстың күн тәртібінде төмендегі мәселелер қаралды:
1. «AMANAT» партиясы сайлауалды бағдарламасындағы 2024 жылға арналған индикаторларының орындалу барысы бойынша Сырдария аудандық құрылыс, сәулет және қала құрылысы бөлімі бөлімі басшысының есебін тыңдау;
2. Партияның «Ардагерлерді ардақтайық» жобасы аясында атқарылып жатқан жұмыстары туралы аудандық жұмыспен қамту және әлеуметтік бағдарламалар бөлімі басшысының міндетін атқарушы Азамат Елеусіновтің есебін тыңдау;
3. Қалжан ахун ауылдық округінің әкімінің сайлаушыларға берген уәделерінің орындалуы бойынша ауылдық округ әкімі Ғалымжан Акбаровтың есебін тыңдау;
Барлық хабарламашылар күн тәртібіне сәйкес баяндама жасап, комиссия мүшелері тарапынан қойылған ұсыныстар мен сұрақтарға жауап берді.
Отырыс соңында қаулы қабылданып, қорытындыланды.
