Депутаттар ауыл аралап, тұрғындармен кездесті

Мемлекет басшысы Қасым-Жомарт Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына арнаған Жолдауынан туындаған міндеттерді жүзеге асыру мақсатында аудандық мәслихат хатшысы Ержан Әжікенов бастаған аудандық мәслихат депутаттары ауылдық округтерді аралады. Төрт топқа бөлінген депутаттар ауыл әкімдіктері мен мәдениет үйлерінде халықпен кездесіп, тұрғындардың ұсыныс-пікірін тыңдап, атқарылып жатқан және алдағы уақытта іске асатын жұмыс­тар жөнін­де пікірлесті. Жиналыстарға ауыл әкімдері, ауылдағы мекеме басшылары, ардагерлер, қоғамдық кеңес мүшелері, жастар және тұрғындар қатысты.

Депутаттардың жұмыс сапары аудан орта­лығынан ең шалғай орналасқан ауылдардың бірі Айдарлыдан басталды. Айдарлы, Жетікөл, Аман­келді және Бесарық ауылдарындағы кез­десуді «Nur Otan» партиясы аудандық фи­лиал төрағасының бірінші орынбасары, аудандық мәс­лихат депутаты Еркебұлан Жақып ашып, жүргізіп отырды.

«Мемлекет басшысының биылғы Жолда­уында еліміздің әлеуметтік-экономикалық да­муының басым ба­ғыт­тары кеңінен қамтылды. Сон­дай-ақ, бұл жолғы Жолдау Тәуелсіздіктің 30 жылдық мерейлі ме­рекесі қарсаңында жария­ланғандықтан бәріміз үшін маңызды. Осы ретте, аудандық мәслихат депутаттары ауылдық округ­терді аралап, тұр­ғындармен кездесіп, ауыл активімен пікірлесу және алдағы уақытта атқарылатын жұмыстарды нақтылау мақсатында сіздермен кездесіп отыр» деп бастады жиналысты Еркебұлан Төлеп­бер­генұлы.

Мұнан кейін аудандық мәслихат депутаты Зейнұр Жаманқұлов сөз сөйлеп, ауданның әлеу­меттік-экономикалық дамуының басым ба­ғыт­­тары, оның ішінде аудандық мәслихат сессия­­ларында қаралған мәселелер мен қабылданған шешімдер жөнінде ақпарат берді. Депутат бү­гін­­гі күнге дейін аудандық мәслихатта 9 сессия өткенін, оның үшеуі кезекті, қалған ал­тауы заңдылыққа және аудан әкімінің ұсынысына сәйкес шақырылған кезектен тыс сессиялар еке­нін атап өтті.

«Аудандық мәслихат сессиялары ашықтық пен жариялылық қағидаты бойынша тіке­лей эфир арқылы өткізілуде және жергілікті бұқа­ра­лық ақпарат құралдарында жария­лануда. Есепті мерзімде өткен 9 сессияда бар­лығы 82 шешім қабылданды. 41 шешім жалпыға бір­дей маңызы бар азаматтардың құқықтары мен бостандықтарына қатысты бол­ған­дықтан әді­лет органдарынан тіркеуден өтті. Мұнан бөлек, 7 рет тұрақты комиссия оты­­рыс­тары ұйым­дастырылды» деген Зейнұр Қайрад­динұлы ау­дандық мәслихаттың 2021 жыл­ғы 10 наурызда өткен кезекті 4-сессиясында аудан­дық са­нитариялық-эпидемиологиялық бақылау бас­қар­масының атқарған жұмыстары кеңі­нен тал­қыланғанын, депутаттар тарапынан каран­тиндік талаптарды күшейту мәселесіне қатысты өт­кір ұсыныстар айтылғанын, соған сәйкес тиісті шешімдер қабылданғанын жеткізді.

Өз кезегінде аудандық мәслихат депутаты Анар Қалдыбаева биылғы мәслихат депу­таттарының сайлауы жылдағыдан өзгеше өтке­нін тілге тиек етті.

«Бұрын депутаттар белгілі бір округ бойынша сайланса, биылдан бастап партиялық тізім негізінде депутаттық мандат иеленді. Бұрын депутаттарда жеке сайлауалды бағдарлама болса, қазір депутаттық мандат иелері өздері мү­ше болып табылатын партияның сайлауалды бағ­дарламасын басшылыққа алып жұмыс істеуде. Бүгінгі таңда Сырдария аудандық мәслихатының 12 депутатының 10-ы «Nur Otan» партиясының, 2-і «Ауыл» партиясының мүшелері. Депутаттардың ортақ міндеті – сайлаушылардың сенімін ақтау және ауданымыздың әлеуметтік-экономикалық, қо­ғамдық-саяси дамуына үлес қосу болып табылады» деген Анар Сраждинқызы аудандық мәслихат сессияларында көтерілген мәселелер жөнінде мағлұмат берді. Депутат аудандық білім бөлімінің пандемия кезеңіндегі қашықтықтан оқытуды ұйым­­дастыру технологияларын іске асыруы және атқарған жұмыстары жөніндегі мәселе кезекті сессияның күн тәртібіне шығарылып, кеңінен тал­қыланғанына тоқталды. Мұнан бөлек, ауданның қоғамдық-саяси, рухани-мәдени өміріне қатысты пікірін білдіріп, Жолдауда Президент айқындап берген тапсырмаларды жүзеге асыруға әрбір азамат атсалысуы қажеттігін жеткізді.

Ауыл тұрғындарымен кездесуде аудандық мәс­лихат депутаты Роза Урынбаева Ел Президенті Қасым-Жомарт Кемелұлы Тоқаевтың «Халық бір­лігі және жүйелі реформалар – ел өркендеуінің берік негізі» атты Қазақстан халқына арнаған кезекті Жолдауындағы «Халық үніне құлақ асатын мемлекет» тұжырымдамасының маңыздылығына тоқ­талды.

«Мемлекет басшысы ашықтық, жариялылық қа­ғидатын ұстану қажеттігіне ерекше назар аударып, Үкімет мүшелеріне, Сенат, Мәжіліс депутатта­рына, сондай-ақ барлық деңгейдегі әкімдер мен депутаттарға халыққа жақын болуды тапсырды. Осы орайда, аудандық мәслихат депутаттарының барлығында «Facebok» әлеуметтік желісінде жеке па­рақша бар екенін айтқым келеді. Яғни, кез кел­ген тұрғын өзінің сауалын жолдап, қабылдауға жазылып, депутатқа ұсыныс айта алады. Бұл – «Халық үніне құлақ асатын мемлекет» тұжырымдамасының іске асып жатқанының нақты көрінісі» деді Роза Бұрханқызы.

Депутаттардың хабарламалары тыңдалған­нан кейін ұсыныс-пікірге кезек берілді. Айдарлыда еңбек ардагері, ауылдық әйелдер кеңесінің төрайымы Күләш Есенбаева аудан­ның, ауылдық әлеуметтік-экономикалық да­муы­на көңілі толатынын айтып, ауыл тұрғын­дарының атынан депутаттардың жұмысына сәт­тілік тіледі. Ал Жетікөлде ауыл тұрғыны Е.Балхожаев қала мен ауыл арасын жалғайтын автокөлік жолы жөндеуді қажет ететінін айтып, соған қар­жы бөлуге ықпал етуді сұраса, К.Сейтпанова депутаттардың атқарған жұ­мыстарын жоғары бағалады. Аманкелдіде ауыл тұрғыны З.Аманжолова ауылды газдандыру, ауылішілік көшелерді жөндеу, ауыл­дық мәдениет үйіне от жағушы штатын бөлу мәселелерін көтерді. Ал Ғ.Бұрханов ауылдағы спорт мектебінің жа­бық тұратынына наразылық білдіріп, осы мәселе реттелсе деген ұсынысын білдірді. Аман­келділік еңбек ардагері Н.Құдайбергенов ауыл жастарының тәлім-тәрбиесі жөнінде сөз қозғап, жастарға рухани-патриоттық білім бе­ретін видеороликтер көрсетуді ұсынды. Ауыл тұрғыны К.Күн­туарова ауылды газдандыру мәселесін көтеріп, сексеуілге салынатын айыппұлдарды жеңілдетуге қатысты пікір білдірді.

Бесарықта еңбек ардагері О.Сейтмұратов жөндеуді қажет ететін ауылішілік көшелерге қатысты жоба-сметалық құжаттар туралы сұрақ жолдап, жауап алды. Жиналысқа қа­тысушы депутаттар Е.Жақып, З.Жаманқұлов, А.Қалдыбаева, Р.Урынбаева және аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің сектор меңгерушісі Н.Омаров, аудандық жұмыспен қамту, әлеуметтік бағ­дар­ламалар және азаматтық хал актілерін тір­кеу бөлімі басшысының орынбасары Е.Зұлхарнаев, аудандық халықты жұмыспен қамту орталы­ғының маманы Е.Жорабек тұрғындар тарапынан айтылған сұрақтарға жан-жақты жауап беріп, аудандық мәслихаттың алдағы сес­сияларында ескерілетінін, заң аясында ше­­шімдер қабылданатын, заңдылыққа сәй­­кес мәселелердің шешілуіне ұсыныстар енгі­зілетінін айтты. Аудандық мәслихат аппа­ра­ты­ның басшысы Г.Божан жиналыс­тар арна­йы хаттамаланып, атқарушы органға ұсы­ныла­ты­нын жеткізді.

Қалжан ахун, С.Сейфулин, А.Тоқмағамбетов ауылдарында ұйымдастырылған кездесуге ау­дандық мәслихат хатшысы Е.Әжікенов, аудандық мәслихат депутаттары С.Әбжә­лиев, Б.Есназар, Ж.Ембергенов, А.Ибрагимұлы және аудандық мәслихат аппаратының бөлім басшысы Г.Еспенбетова, аудандық тұрғын үй ком­­муналдық шаруашылығы, жолаушылар көлігі және автомобиль жолдары бөлімінің басшысы Е.Бахтияров қатысты. Үш ауылда өткен жиналысты аудандық мәслихат депутаты Б.Есназар ашып, жүргізіп отырды.

«Аудандық мәслихаттың VII шақыры­лым­­дағы депутаттық корпусының атқарып жатқан жұмысы жергілікті тұрғындардың көз алдында. Халықпен кездесу – депутаттардың міндеті болса, депутаттар тұрғындармен кездесу ұйымдастырып, қоғамдық қабылдаулар өткізіп, мәслихат сессияларында өздеріне жүк­телген міндетке сай ұсыныстар айтып, мә­селелердің шешілуіне өз үлестерін қосып келеді. Осы жолы ұйымдастырылып отырған кездесулердің де ауданымыз үшін тиімділігі мол болмақ. Төрт топқа бөлінген халық қа­лаулылары тағы да тұрғындармен бірге екенін көрсетіп, ауыл аралап, ұсыныс-пікір жинап, оны іске асыру мақсатын алға қойып отыр. Бұл жұмыс жүйесі Жолдауда Мемлекет басшысы атап өткен басымдықтармен толықтай үндеседі» деді Бағдат Есназар.

Жиналыста аудандық мәслихат хатшысы Е.Әжікенов Президент тапсырмалары атқа­рылатын жұмыстардың басты негізі екенін атап өтті.

«Дәстүрге айналған Жолдауларда еліміздің алдағы стратегиялық бағыт-бағдары мен да­му жоспарлары кеңінен қамтылып келеді. Ал Мемлекет басшысының Тәуелсіздіктің 30 жыл­дық айтулы мерейтойы қарсаңында жә­не әлем елдерін алаңдатқан қауіпті пандемия кезеңінде жариялаған биылғы Жол-дауының мәні мен маңызы тіптен ерекше. Ел Президенті Қасым-Жомарт Тоқаевтың биылғы Жолдауының тақырыбының өзі Қазақстандағы қоғам дамуының жаңаша басым бағыттарын белгілеп, бүгінгі күнге дейінгі алған асуларымыз бен бағындырған белестеріміздің ір­гесін бекемдеуде береке-бірліктің, ырыс-ын­тымақтың, бір жағадан бас, бір жеңнен қол шығара білуіміз қажеттігін аңғартады. Президент өз Жолдауында «Бюджет кірісін арттыру үшін нақты шаралар қабылдау қажет. Бірінші кезекте шығыстардың ауқымын және оның тиімді жұмсалуын бақылауда ұстау керек» деді. Бұл ретте, ауданда бюджет кірісін арттыру, яғни инвестиция тарту бағытында ауқымды жұмыстар атқарылып жатқанын атап өтуіміз қажет» деді Ержан Ертарғынұлы.

Аудандық мәслихат хатшысы аудандық мәслихат сессиялары және онда көтерілген мәселелер және депутаттардың ұсынысымен оң шешімі табылған жұмыстар жөнінде айтты. Жергілікті атқарушы органмен бірлесе ат­қарылған жұмыстар туралы мағлұмат бе­ріп, елімізде қабылданған саяси реформалардың тиім­ділігін түсіндірді.

«Қазір халықтың көзі ашық, көкірегі ояу. Халық үніне құлақ асу, тұрғындардың талап-тілегін тыңдау, проблемаларын шұғыл шешу Заңмен де белгіленді. Азаматтық қоғамды дамытуды, ашықтық пен жариялылықты қол­дауды көздейтінін Мемлекет басшысы бұған дейін де бірнеше рет атап өтті. Соның айқын дәлелі Президенттің бастамасымен биыл елі­мізде, оның ішінде біздің ауданымыздағы үш ауылда ауыл әкімдерінің сайлауы өтті. Бұрын ауыл әкімдері депутаттардың дауыс беруімен қызметке кіріссе, енді жергілікті халықтың да­уыс беруімен, яғни қолдауымен сайланады. Бұл олардың халық алдындағы жауапкершілігін көтеріп, қабылдайтын шешімдерін түзеуіне, жергілікті билік жұмысының халыққа етене жақын болуына әсер етері сөзсіз. Президент Жолдауында соңғы екі жылда елді сая­­си жаңғырту мақсатында нақты жұмыстар ат­қарылғанын айтты. Оны еліміздегі елеулі өз­герістерден де анық аңғаруға болады. Мысалы, митингт өткізу үшін алдын ала ескерту қағидаты жазылған жаңа Заң қабылданды, партиялардың Мәжіліске өту шегі 5 пайызға дейін төмендеді, сайлау бюллетеньдеріне «бә­ріне қарсымын» деген баған қосылды. Осы ретте, саяси жаңғырту жұмыстары ауданымызда да жүргізіліп жатқанын атап өтуіміз қажет. Бұрын аудандық мәслихат депутаттарының бәрі «Nur Otan» партиясының мүшелері болса, биылдан бастап «Ауыл» партиясының мүшелері де аудандық мәслихаттан депу­тат­тық мандат иеленді. Мәслихат сессияларында депутаттардың депутаттық сауал қоюына, ұсыныс-пікір айтуына, өз ойын ашық жеткізуге барлық мүмкіндік жасалуда» деді аудандық мәслихат хатшысы Е.Әжікенов.

Өз кезегінде аудандық мәслихат депутаттары С.Әбжәлиев Жолдаудың ауылшаруашылық саласына қатысты тұстарын талдаса, Ж.Ембер­генов цифрландыру бағытында ат­қарылған жұмыстар мен алдағы міндеттерді саралады. Ал А.Ибрагимұлы аудандағы жас­тар саясаты туралы әңгімеледі. Депутаттар кездесу барысында тұрғындардың ұсыныс-пікірлерін тыңдап, өз құзіреттері шегінде жауап берді. Қалжан ахун ауылының ардагері Қ.Сарыбаев Қайқы батыр көшесін жөндеуге ықпал етуді сұраса, ауыл тұрғыны Т.Пірман ауыл мектебінің әжетханасын сыртқа шығаруға қатысты бірқа­тар ұсыныс айтты. Сондай-ақ, ауылдық амбулаторияны күрделі жөндеу немесе қайта салуды, «Бостандық» каналының сағасын тазалауды ұйымдастыруды ұсынды. С.Сейфуллин ауылында еңбек ардагері С.Нұртаев елді мекендегі Сәрке батыр көшесінің бойына жаяу жүргіншілерге арналған жол салынса деген ұсынысын білдірді. Сонымен қатар, ардагер С.Созақбаев депутаттарға өз алғысын білдірді. Ал А.Тоқмағамбетов ауылында ауыл тұрғыны А.Дәрменова депутаттардың жұмысына сәт­­ті­лік тілесе, Г.Тоқтыбаева газ орнатушы мердігер мекемелерге қатысты мәселе кө­теріп, бұл мәселе бойынша кент әкімдігі мен мер­дігер мекеме тарапынан тиісті түсіндірме бе­рілді.

Қоғалыкөл, Шіркейлі, Нағи Ілиясов ауылдарында өткен кездесуді аудандық мәслихат депутаты Д.Ералиев ашып, жүргізді. Депутат Жолдаудағы Президенттің негізгі бес бастамасы елдің әл-ауқатын арттыруға бағытталғанын атап өтті.

«Мемлекет басшысы Қасым-Жомарт Тоқаев­­­­­­­­­­тың биылғы Жолдауы – Қазақстанның тұ­рақ­тылығын сақтай отырып, егемен елі­міз­ді одан әрі дамытуға арналған стратегиялық құжат. Себебі, Жолдауда саяси, әлеуметтік, экономикалық өсудің нақты қадамдары нақты көрсетілді. Оның ішінде, әсіресе, агроөнер­кәсіп, денсаулық, білім, аймақтық дамуға ерек­ше көңіл бөлініп отыр. Парламенттегі де­путаттық корпустың мақсаты – осы бастамаларды сапалы заңдармен қамтамасыз ету болса, жергілікті мәслихат депутаттарының міндеті Жолдаудан туындаған мақсаттарды атқарушы органмен бірлесіп жүзеге асыруға үлес қосу болып табылады» деді Дархан Жұмашұлы.

Өз кезегінде аудандық мәслихат депутаты Е.Жақып сайлауалды бағдарламаға ен­гізілген жоспарлардың орындалу барысы, Ж.Ембергенов халыққа қызмет көрсету жұ­мыс­тарындағы өзгерістер туралы айтса, А.Иб­рагимұлы Жолдаудағы жеті басымдық пен бес бастама туралы баяндама жасап, үшінші ба­сымдық, яғни сапалы білім беру жөнінде ойла­рымен бөлісті.

Ұсыныс-пікірлер кезеңінде Қоғалыкөл ауы­лының тұрғыны Т.Қожанов Жаңадарияға тос­па (шлюз) салу, И.Әшіров электр желілері мен торабының тозығы жетуіне байланысты күр­делі жөндеу жұмыстарын жүргізу, С.Қаюпов ауылішілік көшелерді жөндеу және ауылда салынған жаңа тұрғын үйді мұқтаж отбасыға беру туралы ұсыныстарын жеткізді. Шіркейлі ауылында ауылдық қоғамдық кеңес төрағасы Қ.Әбілқасымов, Н.Ілиясов ауылында ауылдық ардагерлер кеңесінің төрағасы Т.Жұмабекұлы сөз сөйлеп, халық қалаулыларының жұмысына жеміс тіледі. Депутаттар сұрақтарға жауап беріп, жиналыс барысында ауыл әкімдігіне тиісті ұсыныстар енгізді. Аудандық мәслихат аппаратының бөлім басшысы Г.Еспенбетова жиналыста айтылған ұсыныс-пікірлер бо­йын­ша арнайы хаттама әзірленіп, атқарушы ор­ган­ға ұсынылатынын жеткізді.

Іңкәрдария, Ақжарма және Шаған ауылдарында өткен тұрғындармен кездесуді аудандық мәслихат депутаты М.Бисенов ашып, жүргізіп отырды. Депутат Президент өз Жолдауында еліміз үшін аса маңызды мәселелерге кеңінен тоқталғанын айтып, ауданның әлеуметтік-экономикалық дамуының басым бағыттары жө­нінде ақпарат берді.

Аудандық мәслихат хатшысы Е.Әжікенов аудандық мәслихат сессиялары және онда кө­терілген мәселелер туралы айтты.

«Сессияларда 2021-2023 жылдарға ар­налған аудандық бюджетке 4 рет өзгерістер мен толықтырулар енгізілді. Сондай-ақ, төртін­ші деңгейлі бюджет 2 рет өзгертілді. Бюджет әкімшілерінің есептері тыңдалып, тиісті ше­шімдер қабылданды» деген аудандық мәс­лихат хатшысы жыл басынан бері аудандық мәслихат депутаттары тарапынан құзырлы органдарға 5 депутаттық сауал жолданып, оның төртеуі орындалғанын, біреуі орындалу үстінде екенін жеткізді.

Өз кезегінде аудандық мәслихат депутат­тары Е.Жақып, Ғ.Жаңабаева, А.Ибра­гим­ұлы Жол­дау мен партияның сайлауалды бағ­дарламасындағы жоспарлар өзара үнде­сетінін айтып, іске асыру тетіктері бойынша өз ойларымен бөлісті.

Ұсыныс-пікірлер кезеңінде Іңкәрдария ауылдық қоғамдық кеңес төрағасы Ә.Бай­манов ауыл мектебінің парталарын жаңарту, елді мекендегі интернет мәселесін шешу, «Мүлкілән» кесенесін реставрациялау, «Нұрлы жер» бағдарламасы бойынша ауылдан тұр­­ғын үйлер салу, «Ақтам» каналына шлюз орнату туралы мәселелерді көтерді. Ауыл тұрғыны Е.Исабаев скважин орнату және ауылдық амбулаторияны қайтадан салу туралы пікір біл­дірді. Ал Р.Бердалы ауылішілік Абай көше­сін жөндеуге ықпал етуді сұрады. Ақжарма ауылында еңбек ардагері Қ.Шыманов су тарифінің көтерілу себебін сұрап, арнайы түсіндірме жұ­мыстары жүргізілсе деген ұсынысын айтты. Шаған ауылында ауылдық қоғамдық кеңес төрағасы А.Атақаев халықаралық жолдың ауылға кіреберіс тұсына жолайрық салу, ауыл тұрғыны Т.Мыханов ауыл ішімен өтетін каналды тазалау, А.Қожабай ауылдағы Қ.Мыханова көшесін жөндеу туралы ұсыныстарын жет­кізді. Қорытынды жиналыс бойынша аудан­дық мәслихат аппаратының бас маманы С.Тоқ­манов арнайы хаттама дайындалып, атқарушы органға ұсынылатынын жеткізді.

Депутаттардың ауылдарға жұмыс сапарын қорытындылаған аудандық мәслихат хат­шысы Е.Әжікенов айтылған ұсыныс-пікір­лер тұрақты комиссия отырыстарында,­ сес­­сия­ларда назарға алынатынын айтты. Кез­­десуге қатысушыларды Тәуелсіздіктің 30 жыл­­­дығымен құттықтап, ауданды дамыту ба­ғытындағы жұмыстарды бірлесе атқаруға ша­қыр­ды.

Ақтөре ИБРАГИМҰЛЫ,

аудандық мәслихат депутаты,
Nur Otan партиясының мүшесі

Ақ