Қызылордада жол апатынан 4 адам қаза болды
Қызылорда облысында екі жеңіл көлік соқтығысып, салдарынан төрт адам көз жұмды, деп хабарлайды Kyzylorda-news.kz. Қайғылы оқиға 19 ақпан Самара – Шымкент автомобиль жолының 1767-1768 шақырымында (Сырдария ауданы) болды. Тас жолда Mercedes пен Opel көліктері соқтығысқан. Салдарынан төрт адам қаза тапты, бір адам ауруханаға түсті. Жол апатының мән-жайы анықталып жатыр.
Бұл факті Қылмыстық кодекстің 345-бабы 4-бөлімі бойынша тіркелді. Сотқа дейінгі тергеу жүргізіліп жатыр. Сараптамалар тағайындалды.
