– Әже, әже, – деп есіктен сүріне-қабына кірген Берік ентігін баса алмай тұр. – Әже, мен оқуға түстім.

– Е, дұрыс болған екен. Ол қандай оқу? - деп әжесі де ентелей есікке жетті.

 – СПТУ-дағы оқу. Амандық болса, білдей дәнекерлеуші боламын, – деп төсін қақты Берік.

– Ыпыту дейсің бе, ботам? Сонда кім боласың? Дәнекерлеуші деген кім?

– Әй, әжем-ай, соны да білмейсің бе? Берік сықылықтап күліп алды. Дәнекерлеуші деген сварщиктің оқуы ғой.

– Ойбай-ау, күндікке сөй деп қазақшасын айтпаймысың. Мен түсінбей жатырмын ғой, – деп әжесі қоса күлді.