МЕРЕЙІ ҮСТЕМ БОЛСЫН
Наурыз мерекесімен қатар аудандық басылымның 80 жылдық мерейлі мерекесі қатар келгеніне қуаныштымыз. Баспасөз саласында өмір бойы еңбек етіп, зейнеткерлікке баспаханадан шыққан соң мен үшін мерекенің маңызы зор. Алғашқы кезде үйренуші болып жұмысқа орналасып, кейін әріп теруші мамандығын меңгеріп, 1977 жылдан баспахана жұмысы тоқтағанша абыройлы қызмет еттім. Мені осы жұмысқа үйреткен өндірістегі ұстазым Гүлнәр Ысқақова болатын. Тарих беттеріне айналған қызмет жылдарым үшін талай мәрте құрметке бөлендім. Жұмыстың ыстығы мен суығына көніп, үлкен ұжымда еңбек еттім. Қазір баспахананың ізі ретінде аудандық газеттің қамқорлығындамыз. Жыл сайын төл мерекеде басымыз қосылып, ардагерлердің қатарында келеміз. Қазіргі ұжымның жұмысына да көңіліміз толады. Халықтың ықыласына бөленіп, жастардың жазарманы таусылмасын деген тілектеміз.Қазына АСЫҚБАЕВА,
еңбек ардагері
еңбек ардагері
