ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша депаратаментінің бастамасымен мемлекеттік қызметтерді E-gov электронды үкіметтің веб-порталы арқылы алуды насихаттау мақсатында ауқымды жұмыстар жүргізілуде.

Іс-шаралар "Азаматтарға арналған үкімет" мемлекеттік корпорациясының коммерциялық емес АҚ-ның Қызылорда облысы бойынша филиалының Халыққа қызмет көрсету бойынша Сырдария ауданының бөлімі қызметкерлерімен бірлесіп мемлекеттік көрсетілген қызметтерді электронды түрде алу үлесін арттыруға бағытталған іс-шаралар жоспарына сәйкес Сырдария ауданы бойынша бірқатар іс-шаралар өткізілуде.

Аталған жоспарға сәйкес, бүгін С.Сейфуллин ауылдық округінің №137 және Қалжан ахун ауылдық округінің №126 орта мектептерінде ашық сабақтар өткізілді.

Ашық сабақтарға жалпы 50 адам қатыстырылып, қатысушыларға E-gov электронды үкіметтің веб-порталымен жұмыс жасау тиімділігі мен мүмкіндіктері түсіндірілді.

Сонымен қатар, E-gov электронды үкіметтің веб-порталымен жұмыс жасау қағидалары туралы әдістемелік нұсқаулықтар таратылды.